അപ്രിയം

അപ്രിയം

ചിലതു കണ്ണ്
ചുകപ്പിക്കുന്നു
മുഖം 
വിറപ്പിക്കുന്നു
വീർപ്പുമുട്ടിക്കുന്നു ...
..

അത് സ്വല്പം മധുരവും
ആവശ്യത്തിന്നുപ്പും
കൂട്ടി പൂമ്പൊടി രൂപത്തിൽ
താരാട്ടിന്നീണത്തിൽ
പറയാ(ഞ്ഞാ) ലോ !

വാക്ക്

വാക്ക് 

അവന്ടെ ഒസ്യത്ത് 
സന്തോഷം 
എന്ന 
ഒറ്റ  വാക്കിൻടെതായിരുന്നു 

ധീരൻടെ തിരഞ്ഞെടുപ്പായതിനാലോ 
അമ്മയും ദൈവവും എപ്പോളും 
പറഞ്ഞു പഠിപ്പിച്ചതിനാലോ 
ഒക്കെ ആകണം 
അവൻ അവന്ടെ 
മരണത്തെ സന്തോഷം 
കൊണ്ട് മാത്രം 
നേരിടാൻ നിങ്ങളോടും 
കുടുംബത്തോടും 
 പറയുന്നത് ...... 
 അവനുള്ള ആദരാഞ്ജലി 
അവനെ പെട്ടന്ന് 
മറന്നു ഞാൻ 
പ്രകടിപ്പിക്കട്ടെ .....

പകൽ നിലാവ്

പകൽ നിലാവ്

ഫേസ് ബുക്കിന്നു
കണ്ണും കാതും
കരളും നെഞ്ചും 
ഒക്കെ ഉണ്ടെന്നു
സമ്മതിച്ചാലും
അത് മനുഷ്യന്ടെ
കണ്ണും കാതും
കരളും നെഞ്ചും
പോലെത്തന്നെ
എന്ന് നിങ്ങൾ
എന്തിനു കിനാവ്
കാണുന്നു ?
എങ്ങിനെ കിനാവ്
കാണുന്നു ?

സൃഷ്ടി

സൃഷ്ടി 

മരിച്ച സമയത്തെന്ന പോലെ

ജനിച്ച സമയത്തും നഗ്നതയെ

അവൻ അറിഞ്ഞിരുന്നില്ല ...

പിന്നീട് വസ്ത്രം അവനെ

നഗ്‌നനാക്കി .....

(മൃഗത്തിൽ നിന്നും ചില

വേർതിരിവുകൾ ഉണ്ടെന്നൊക്കെ

വസ്ത്രം പഠിപ്പിക്കാൻ നോക്കി)

വസ്ത്രം ഉണ്ടെങ്കിലുമില്ലെങ്കിലും

അവൻ എപ്പോളും പരിപൂർണ

നഗ്നൻ തന്നെ ...

(അതിനെക്കുറിച്ചൊക്കെ

എല്ലാവര്ക്കും അറിയാം ..)..

എന്നാലും ചില നിറ

കച്ചകൾ അവനു ചുറ്റും

ഒഴിയാ ബാധ പോലെ

തുടർന്നു വന്നു ..

വരി

വരി

അവളുടെ പ്രണയവും
സത്യമായിരുന്നു

പിന്നീട് അതിനിടക്ക്
അവളും അസത്യം
തിരുകി കയറ്റി ..

ഞങ്ങൾ തമ്മിലുള്ള
അകാലനില്ലാത്ത
അടുപ്പം
അന്ന് തുടങ്ങി

സത്യം അസത്യം
മാത്രമെന്നു
എവളുമാർ
എന്തിനിങ്ങനെ
എപ്പോളും
പഠിപ്പിക്കുന്നു ?

നമസ്കാരം ...

സ്ത്രീയെ ചോദ്യം ചെയ്യാവുന്ന 
രീതിയിൽ എന്നെ വളർത്തി
എത്തിച്ച എൻടെ അമ്മക്ക് 
ഒരു ചെറിയ നമസ്കാരം ...

ചില നാട്ടു ചോദ്യങ്ങൾ

ചില നാട്ടു ചോദ്യങ്ങൾ

എന്താ മാർക്കിത്തിരി
കുറഞ്ഞു അല്ലെ ?
എന്താ ജോലി ഒന്നും
ആയില്യ അല്ലെ ?
എന്താ കല്യാണം ഒന്നും
ശരിയായില്ല അല്ലെ ?
എന്താ കുട്ടികളൊന്നും
ആയില്ല അല്ലെ ?
എന്താ വീടൊന്നും
വച്ചില്ല അല്ലെ ?
എന്താ തലയാകെ
നരച്ചു അല്ലെ ?
എന്താ പ്രായം 
ഇത്രയായിട്ടും
മരിക്കുന്നില്ല
അല്ലെ ?

അകലുന്നവൻ

വളർത്തുന്നവർ 
തളർത്തുമ്പോൾ 
തളർത്തുന്നവരെ
തകർക്കുന്നവൻ 
ആകാൻ

കഴിയില്ലെങ്കിലും
അവരിൽ നിന്ന്
അകലുന്നവൻ
ആകാം ..

വികലം

വികലം

ഹൃദയം തകർന്നവനും 

വൃക്ക ഇല്ലാത്തവനും 

ശ്വാസകോശം നശിച്ചവനും 

ഒരു മാനസിക രോഗിയും 

പിന്നെ ഒരു കോങ്കണ്ണനും 

വികലാംഗ കോട്ടയിൽ 

അപേക്ഷിച്ച  ജോലി

കോങ്കണ്ണനു ലഭിച്ചു ......

(കാള കയറൂരിയ പോലെ 

ഇനി അദ്ദേഹം ആ 

വകുപ്പ്  കൈകാര്യം ചെയ്‌തേക്കും .........)

കള്ളൻ

കള്ളൻ 

ചുറ്റു പാടുകളിൽ നിന്നുണ്ടായ ചില 
സ്വാധീനങ്ങളെ കുറിച്ച് ,
അസന്തുലിതയെക്കുറിച്ചൊക്കെ 
കള്ളന് എന്തൊക്കെയോ പറയാനുണ്ട് . .....

തെങ്ങിൻ ചുവട്ടിൽ
കെട്ടിയിട്ടു അവൻടെ മുഖത്തേക്ക്
പട്ടയുടെ പിടിയാൽ ആഞ്ഞൊരടി
അടിക്കുന്നതിന്നടിയിൽ
എനിക്കെവിടെ അതൊക്കെ
കേൾക്കാൻ സമയം ?

നക്ഷത്രം

നേതാവ് പ്രസംഗിക്കുന്നു

അവൻ മറ്റുള്ളവരെപ്പോലെ
കടയിലേതോ തിരക്കിൽ
നടന്നകലുന്നു .

നേതാവിൻടെ ശവമഞ്ചം
മെ ല്ലെ നീങ്ങുന്നു .

അവൻ നേതാവിന്ടെ പ്രസംഗം
ഓർത്തെടുക്കാൻ ശ്രമിക്കുന്നു

അന്ന് നേതാവ് എന്തിനെ ക്കുറിച്ചോ
എന്തൊക്കെയോ പറഞ്ഞു

എന്തായിരുന്നു അത് ?

കടയിൽ കയറാൻ മറന്നു
അവൻ അകലേക്ക് നടന്നു

നക്ഷത്രം വിരിഞ്ഞ
നിലാവിൽ മഞായ്
അലിഞ്ഞു നേതാവ് മറഞ്ഞു

പൂക്കൾ മണക്കും
രാത്രിയിൽ ആകാശം നോക്കി
അവൻ പതുക്കെ കരഞ്ഞു

എന്തായിരുന്നു അന്ന് നേതാവ്
പറഞ്ഞത് ?