'അവൾ' വരുന്നു !

'അവൾ' വരുന്നു !

ശ്‌മശാനങ്ങളിലേക്കും

മദ്യശാലകളിലേക്കും

ജിമ്മിലേക്കും മരുന്ന്

പുകയും ഡിസ്കോ -

ക്ലബ്ബ്കളിലേക്കും

ചുബനസമര

വേദിയിലേക്കും

ആവരണം വേണ്ടാതെ

അവൾ വരുന്നു !

കൂട്ടമായി , ആഹ്ലാദിച്ചു

കണ്ണിറുക്കി നൃത്തചുവടിൽ

അവൾ - എന്ന പതിനാലുകാരി .

(ഭൂഗോളത്തിൻടെ നേർ പകുതിയുടെ

അവകാശി -)

അന്തിക്കടപ്പുറത്തു ഒരോലകുടയുമെടുത്തു

നാലും കൂട്ടി മുറുക്കി നടക്കണതാരാണ് -

എന്ന പാട്ടും മൂളി ..

തലയിൽ ഒരു വെള്ള തോർത്തും കെട്ടി ..

 ലുങ്കി ഡാൻസുമായി !

ഗുണ്ട

ഗുണ്ട

ചുറ്റുപാടുകൾ തീർത്ത മന

ക്കണ്ണാടിയിലെ പ്രതിഫലനങ്ങൾക്ക് 

അനുസരിച്ചു പ്രതികരിച്ചു

പോയവൻ  -ഗുണ്ട

അമ്മച്ചി തന്ന അമ്മിഞ്ഞപ്പാലും

നൊട്ടി നുണഞ്ഞു കൈകാലിട്ടടിച്ചു

പൊട്ടിച്ചിരിച്ചു

പൊട്ടിക്കരഞ്ഞവൻ- ഗുണ്ട

ഒന്ന് പറഞ്ഞു മറ്റൊന്നിൽ നടന്ന

" അമ്മിണി" ക്കാമുകിയുടെ

ചെകിട്ടത്തിട്ടാഞ്ഞു പൊട്ടിക്കാൻ

ആകാതെ ഡിപ്രെഷൻ ഗുളികകൾ

 തിന്നു പള്ള വീര്ത്തവൻ - ഗുണ്ട

കത്തിയും കൊടുവാളും ലാത്തിയും

ബോംബും കൊണ്ടാൽ ശരീരത്തിലാകെ

വേദനിക്കുന്നവൻ - ഗുണ്ട

പഠിക്കുമ്പോൾ അഭിനയവും രാട്രീയവും

പഠിക്കാതെ മത്സരങ്ങളിൽ തകർന്നു

തരിപ്പണമായവൻ - ഗുണ്ട

വീടും കുടുംബവും ഇല്ലാതെ -

പോലീസ് നിരന്തരം തിരയുന്ന

തെരുവിൻ മൂലകളിൽ - ഗുണ്ട

മരിച്ചാൽ എല്ലാരേയും പോലെ

മണ്ണിലോ വിണ്ണിലോ

അലിഞ്ഞിറങ്ങേണ്ടവൻ -ഗുണ്ട