നമ്മുടെ പ്രണയത്തിലെ ആ സ്വകാര്യ നിമിഷങ്ങൾ

 നമ്മുടെ പ്രണയത്തിലെ

 സ്വകാര്യ നിമിഷങ്ങൾ

നമ്മൾ ഇങ്ങനെ അപ്പുറമിപ്പുറം

ഇരുന്നു കൺകോർത്തൊരാ 

നിമിഷങ്ങൾ.

അപ്പോൾ നിന്റെ മുടിയിതളുകൾ 

ചുംബിച്ചു പാറി ഓടി

ഒളിച്ചോരാ കാറ്റ്‌.

നിന്റെ കണ്ണിൽ വിരിഞ്ഞോരാ

തുടിപ്പും ചുമപ്പും.

എന്റെയും നിന്റെയും ചുണ്ടുകൾ

എങ്ങനെ ഇത്ര നേരമടുത്തായി

അകന്നിരുന്നു?

നിന്റെ കവിളിലേ മുല്ലപ്പൂ

ഓടി ഒളിച്ചോരാ എന്റെ താടി

രോമങ്ങൾ.

നിന്റെ കൈവിരലുകൾ കോർത്തു

അമർത്തി ചുംബിച്ചൊരാ എന്റെ

കൈകൾ.

നിന്റെ കാലിൽ കോർത്തൊരാ

എന്റെ കാൽ വിരലുകൾ.

ആൾപ്പാർപ്പില്ലാത്ത ലോകം.

മുകളിൽ ആകാശത്തിൽ പറക്കുന്ന

ഒരു പക്ഷി.

താഴെ കടലിൽ തുടിക്കുന്ന ഒരു ചെറുമീൻ.

നമുക്കിടയിലെ സന്തോഷം മാത്രം

നിറഞ്ഞ് വീർത്ത വായു.

സത്യത്തിൽ പ്രേമത്തൊട് ഏറ്റവും

അടുത്തു നിൽക്കുന്നത് 

 നിമിഷം എന്ന വാക്കും അകന്നു നിൽക്കുന്നത് നിയമം എന്ന വാക്കും 

 തന്നെ അല്ലെ,

പ്രിയേ?

ഈ നിമിഷം നമ്മൾക്ക്

ഉറപ്പ് തരുന്നത് നമ്മെ ഇനി ആർക്കും

പിരിക്കാൻ ആകില്ല എന്ന് തന്നെ അല്ലേ?

നമ്മുടേത് നിയമങ്ങൾ ഇല്ലാത്ത

ഒരു രണ്ടാൾ സാമ്രാജ്യം.

***************************

പ്രിയേ, ഇനി എന്നേ നീ നിന്റെ

പ്രണയത്തിൽ നിന്ന്

വിടുവിച്ചേക്കുക!

നിറം

 നിറം

യാത്ര ചെയ്തു ഇങ്ങനെ

പോകുമ്പോൾ അറിയാം

അകലെ അകലെയായൊരു

വെളുപ്പ് കാണുന്നുണ്ട്.

പിന്നെയും ഇങ്ങനെ

യാത്ര പോയാൽ അറിയാം

അകലെയായ്‌ ഒരു കറുപ്പ്

കാണുന്നുണ്ട്.

വീണ്ടും അകലേക്ക്‌ അകലെക്ക

കലേക്ക് പോയാൽ പച്ച

പിന്നെയും അകലെ അകലെ

ചുവപ്പ്.

പ്രത്യേകം

 പ്രത്ത്യേകം

പുലരിയുടെ ചുവന്ന

പ്രസവം പ്രത്യേകം അല്ല.

നരപ്പും കണ്ണില്ലാ കുണ്ടും

പല്ലില്ലാ മോറും നിഷ്കളങ്ക

മല്ലാതെ ചിരിക്കാനുള്ള

കഴിവില്ലായ്യ്മയും പ്രത്യേകം അല്ല.

ആംബുലൻസും പോസ്റ്റ്മോർട്ടവും

ചിതയും കത്തിപ്പിടിക്കലും ആളലും

പ്രത്ത്യേകം അല്ല.

എന്നൽ ചില നിമിഷങ്ങൾ -

ഒന്നും വേണ്ടാതെ അറിയാതെ മനസ്സിൽ

സന്തോഷം വന്നു നിറഞ്ഞ ചില

ജീവിത നിമിഷങ്ങളവ പ്രത്ത്യേക

നിമിഷങ്ങൾ.

പെൺകുട്ടി

 പെൺകുട്ടി

പെൺകുട്ടി വെളുത്തു

മെലിഞാണ്.

നീളൻ മുടി അലസമായി

ചീന്താതെ അവൾ ഇട്ടിരിക്കുന്നു.

ഒന്ന് കുഴിഞ്ഞ അവളുടെ

കണ്ണുകൾ എന്തൊക്കെയോ

ധൈര്യത്തിന്റെ കഥ പറയുന്നു.

ചെരിപ്പില്ലാത്ത വെള്ളം നനഞ്ഞ

അവളുടെ കൽപ്പാദങ്ങൾ ഒരാരാധനാലയം

പോലെ ശ്രേഷ്ടം.

ഉന്തിയ വയറെന്നിട്ടും അവൾക്ക്

എപ്പളും വിശക്കുന്നുണ്ട്.

അവ്യക്തമുഖം എന്നിട്ടും അവൾ

എന്നെയും എല്ലാരേയും അറിയുന്നുമുണ്ട്.

ശ്രദ്ധിച്ച് നോക്കിയാൽ മാത്രം കാണാം

അവൾക്കു പിന്നിൽ ആയി കുറെ ഏറെ

വരി നിൽക്കുന്ന പെൺകുട്ടികൾ.

മുന്നിൽ അകലെഅകലെ യായി നാട്ടിലെ

പുരോഗതി അടയാളങ്ങൾ.

അവളുടെ തോളിലെ നാറിയ മാറാപ്പിൽ

ഒരു കുട്ടി സന്തോഷിച്ചു ചിരിച്ചു കൈകാൽ

വീശി കളിക്കുന്നുണ്ട്.

അതിനു എന്റെയോ അതോ നിന്റെയോ

മുഖം.

പെൺകുട്ടി അരികെ ഉള്ള ഒരു

വെള്ളം ഇറ്റുന്ന പൈപ്പിന്നടുത്തേക്ക്

വേച്ചു വേച്ചു പോകുമ്പോൾ ഞാൻ 

അവളോട്‌ പിറുപിറുക്കേണ്ടത്

ഈ ലോകം അവളുടേത്‌ മാത്രമെന്നാണ്.

അവളുടെ പാദം അതവളാണ്.

അവരിലിടയ്ക്കു ഒരു പക്ഷേ...

 അവരിലിടയ്ക്കു ഒരു പക്ഷേ..

അവരിൽ ഒരാൾ ഒരു

പക്ഷേ അവനായിരിക്കും.

നിങ്ങളെ ഏറ്റവും സ്നേഹിച്ച ഒരാൾ

നിങ്ങളുടെ ഉയർച്ചക്കായി ഏറ്റവും

വേവലാതി പെട്ട ഒരാൾ.

രാപകലില്ലാതെ ഭൂമിയിൽ

അദ്ധ്വാനിച്ച ഒരാൾ

ഏറ്റവും വേദന സഹിച്ച ആ ഒരാൾ

കാലില്ലാതെ നടന്ന അയാൾ

കൈയ്യില്ലാതെ മല ചുമന്നയാൾ

നിന്റെ പ്രശ്നങ്ങൾ ശരിക്കും അറിഞ്ഞയാൾ

ഏറ്റവും അർഹത ഉള്ളയാൾ

മനുഷ്യർക്കു വേണ്ടി കരയുന്നയാൾ

ഒരു പക്ഷേ നിങ്ങളുടെ അടുത്തെത്തിയതു 

അവരിൽ ഒരാളായിരിക്കും.

മുന്നിലെത്തുന്നവരെ അവഗണിക്കും മുമ്പേ

മുന്നിലെത്തുന്നവരെ തള്ളിക്കളയും മുമ്പേ

മുന്നിലെത്തിയവരെ കാറി തുപ്പി ചവുട്ടി

അരക്കും മുമ്പേ

മുമ്പിലെത്തിയവരെ ചതിച്ചു വേദനിപ്പിച്ചു

വിജയിക്കും മുമ്പേ

ഓർമ്മയിലേക്കായി എത്തേണ്ട

എന്നാൽ ഏത്താൻ ഇടയില്ലാത്ത

ആ ഒരാൾ, ഒരു പക്ഷേ അവനായിരിക്കും.