നൊസ്തർ ദമസ് 2
ഒന്നാം നൊസ്തർദമസിനെ
അറിയാത്ത ഒരു രണ്ടാമൻ
ഉണ്ടായിരുന്നു.
ആയാൾ പ്രവചിച്ചതു ഒന്നും
സത്യം ആയില്ല, അയാൾ അയാളെ
കുറിച്ച് നുണയായി പറഞ്ഞിരുന്നത്
ഒഴിച്ച്.
ഒരസുഖം ഉണ്ടെന്നു നൊണ
പറഞ്ഞപ്പോൾ അയാൾക്ക്‌ ആ
അസുഖം വന്നു
ഒരാൾ മരിച്ചെന്നു നുണ
പറഞ്ഞപ്പോൾ അയാൾ മരിച്ചു.
സമ്പന്നൻ അല്ലെന്നു പറഞ്ഞപ്പോൾ
ദാരിദ്രനായി.
ഇപ്പോൾ അദ്ദേഹം പ്രവചിക്കാറില്ല.
അത് കൊണ്ട് വലിയ കുഴപ്പം ഒന്നും
ഇല്ലാതെ ജീവിച്ചു വരുന്നു.
പ്രണയക്കാരോട്
പ്രണയക്കാരോട് ഒരു
വാക്ക് പറയാനുണ്ട്.
നിങ്ങൾ തീർച്ചയായും
അറിഞ്ഞിരിക്കേണ്ട
നിങ്ങളെ സന്തോഷിപ്പിക്കുന്ന
നിങ്ങളെ രക്ഷിക്കുന്ന
നിങ്ങളെ ജീവിപ്പിക്കുന്ന
നിങ്ങളെ തിരിച്ചറിയിപ്പിക്കുന്ന
നിങ്ങളെ പുരോഗമിപ്പിക്കുന്ന
ആ ഒരു വാക്ക് നിങ്ങളോട്
പറയാനായിട്ടുണ്ട്.
എന്താണ് ആ മഹത്തായ
എന്നാൽ സാധാരണമായ
ആ വാക്ക്?
അത് നിങ്ങളെ തകർത്തെക്കും.
എന്നവരിയിലെ തകർത്തേക്കും
എന്നതല്ലേ ആ പ്രത്യേക വാക്ക്?
കൊറേശ്ശേ പിരാന്താക്കുമ്പോൾ.
===========================
അവളെ ആദ്യം കണ്ടപ്പോൾ
തന്നെ അവളുടെ
ആകർഷണങ്ങളിലേക്ക്
നോക്കേണ്ട എന്ന് കരുതിയതാണ്.
പിന്നീട് ചെറിയ പുഞ്ചിരികളാലും
തുറന്ന സംഭാഷങ്ങളാലും
അവളും എന്നേ അറിയാതെ ആകർഷിപ്പിച്ചു.
ഇന്ന് അവളിൽ നിന്ന്
അവൾ എന്നിലേക്ക്‌ എത്തിച്ച
കുറേശ്ശേ
ഉള്ള പിരാന്ത് മുഴുവൻ ആയുള്ള
പിരാന്ത് ആകും മുമ്പേ
പൂർണ്ണമായി രക്ഷപ്പെടുക
എന്നത് മാത്രമാണ്
എന്റെ ഏക ലക്ഷ്യം എന്ന്
ഞാൻ അറിയുന്നുണ്ട്.
നാളെ?
ഒന്നുകിൽ ഞാൻ ഒരു
മുഴു പിരാന്തൻ ആയേക്കും
അല്ലെങ്കിൽ അവളെ
പൂർണ്ണമായി മറന്നേക്കും
എന്നാലും എന്റെ
പരിശുദ്ധ പ്രണയമേ?
പിരാന്ത് ആക്കിയവരെ
എങ്ങനെ ആണ് പൂർണ്ണമായി
മറക്കുക എന്ന് മാത്രം
നീ എന്നേക്കൊണ്ട്
ചോദിപ്പിക്കരുതേ?
ഘടികാര ജീവിതം.
=================
ജീവിതം നിശ്ചയിക്കുന്നത്
ഘടികാരം ആണ്.
സൂര്യൻ ഉദിക്കും മുമ്പേ
അവൻ ഉണർത്തുന്നു.
ഓരോ സമയത്തായി
ഓരോ ശബ്ദം പുറപ്പെടുവിപ്പിക്കുന്നു.
ഓരോ തരത്തിൽ ചലിപ്പിക്കുന്നു.
സൂര്യൻ അസ്തമിക്കുമ്പോൾ
ഉറക്കുന്നു.
അവനെപ്പോലെ ഞാനും
കേടുവരുന്നു.
ഇല്ലാതാവുന്നു.
ന്നാലും ഒരു ചെറിയ വട്ടത്തിൽ
ഒരേ പോലെ ചെയ്യുന്ന യാത്ര
മാത്രമാണ് ജീവിതമെങ്കിൽ
പ്രിയ ഘടികാരമേ?
എന്തിനീ മാസങ്ങൾ, വർഷങ്ങൾ?
മഴ? കിനാവുകൾ?
പരാധീനർ
==========
പരാധീനതയുടെ അപ്പുറം,
കാടുകൾ ഉണ്ട്.
മഴ ഉണ്ട്, നിഴൽ ഉണ്ട്.
കടൽ ഉണ്ട്, പക്ഷികൾ ഉണ്ട്.
കാറ്റുണ്ട്.
പരാധീനതയുടെ ഇപ്പുറം
കവിതയുണ്ട്, പാട്ടുണ്ട്
ആകാശം ഉണ്ട്
പാടം ഉണ്ട്, കുഞ്ഞുണ്ട്,
നിലാവുണ്ട്, തേനുണ്ട്.
പരാധീനതയിലൂടെ
പോകുമ്പോൾ
എന്തപ്പുറമിപ്പുറം?
