കറുത്ത വരികൾ

 സമാധാനം 

--------------------

ഒന്നും ഇല്ല,ഒന്നും അല്ല 

എന്നുറപ്പായാൽ 

മനസ്സിലേക്ക് പതുക്കെ 

വന്നെത്തുന്ന ഒരു 

സുഖമുണ്ട്.

ശരി 

-------

അതി സാധാരണക്കാരുമായി 

ഇടപഴകിയും സഹായിച്ചും 

ജീവിക്കുമ്പോൾ മാത്രമാണ്

 ശരിക്കും 

ജീവിക്കുന്നതായി 

തോന്നുന്നത്

പ്രണയവസാനം 

----------------------------

ഞാനില്ല നീയില്ല

എന്നാൽ പ്രണയമുണ്ട്.

ഞാനുണ്ട്, നീയുണ്ട്

എന്നാൽ പ്രണയമില്ല.

പ്രണയം 

---------------

നീ എന്നേ ഇടക്ക് 

എങ്കിലും 

ഓർക്കണം എന്ന് 

പറയുന്നത്

 സ്വാർത്ഥത.

നീ എന്നേ ഉടനെ

 മറക്കണം എന്ന് 

തോന്നിപ്പിക്കുന്നതിലാണ് 

പ്രണയം.

സംസ്കാരം 

--------------------

കലാകാരൻ ഒരു 

സംസ്കാരം ഉള്ളവൻ 

കൂടി ആണ് എന്ന് എവിടെയും 

പറഞ്ഞിട്ടില്ല

ജഡ്ജിയും കള്ളനും.

---------------------------------

ഒരിക്കൽ ഒരു കള്ളൻ എങ്ങനെയോ 

ഒരു ജഡ്ജി ആയി.

ഒരിക്കൽ ഒരു 

ജഡ്ജ് എങ്ങനെയോ ഒരു കള്ളനും.

-ഒന്നാമൻ ഏറ്റവും 

സത്യസന്ധനായ ജഡ്ജ് 

ആയി അറിയപ്പെട്ടു.

രണ്ടാമൻ ഏറ്റവും 

മോശം ആയ കള്ളൻ ആയും.