ബലി
ഇന്നു ഇത്തുമ്മ ഉമ്മൂമ്മ
മരിച്ചതിൻ നാൽപ്പത് ....
പല്ലു രണ്ടു തേഞ്ഞ പല്ലും
പത്തമ്പതു പഴുത്തമുടികളും
കാതിലെ തൂങ്ങും കടുക്കനും
ഭൂമിയിൽ മുട്ടിഞാന്നാടും മുലകളും
മലം മഞ്ഞപ്പിച്ചാചെറുമുണ്ടും
ഇത്തുമ്മക്കൊപ്പം മാത്രം മരിച്ചു !.
ഇപ്പെരുന്നാളിന്നു എൺപതു,
അടുത്ത പെരുന്നാളിൽ ഒന്നും കൂടി
ഇപ്പെരുന്നാളിന്നു എൺപതു,
അടുത്ത പെരുന്നാളിൽ ഒന്നും കൂടി
അതിന്നും മുന്നേ സുബർക്കത്തിലേ
ക്കെത്തിലെത്തിയെൻടുമ്മൂമ്മ
പടച്ചോനെ ....
ഇൻടുമ്മാമ്മാനെ നോക്കണേ ,കാക്കണേ ...
ഇൻടുമ്മാമ്മാ വാരിതന്നൊരു ചോറിനും
പുളിങ്കറി പിന്നെ മുള്ളനും ചാറിനും
ഇൻടുമ്മാമ്മാനെ നോക്കണേ ,കാക്കണേ ...
ഇന്ടുമ്മൂമ്മ കടന്ന പഷ്ണിക്കായ്‌
ഇന്ടുമ്മൂമ്മ കൊണ്ട ചവിട്ടിന്നായ്
ഇന്ടുമ്മൂമ്മ കുടിച്ചോരാ കണ്ണീരിനായ്
ഇന്ടുമ്മൂമ്മ പെറ്റൊരു ചോരക്കായ്
ഇൻടുമ്മാമ്മാനെ നോക്കണേ കാക്കണേ ...
(ഒരാവശ്യവും ഇല്ലാതെ വാരിക്കോരി
സ്നേഹം തന്നു എന്നോ മരിച്ച പഴയ
തലമുറയിലെ ഒരു കണ്ണിയുടെ ഓർമ്മയ്ക്ക്...)
)
No comments:
Post a Comment