വെളിച്ചം

വെളിച്ചം 

വെള്ളം ഒഴിച്ചപ്പോൾ ചെടിക്കൊരു 

ചെറു  ചരിഞ്ഞാട്ടം , മണ്ണിന്നു

മന്ദസ്മിതം

അന്നം കൊടുത്തപ്പോൾ പൈക്കിടാവിൻ 

വാലിൽ ഒരു നൃത്തം ,കഴുത്തിലൊരു

കുലുക്കം , മണിമുഴക്കം

അപരനെ സഹായിച്ചപ്പോൾ കണ്ണിൽ

നനവ്  .

ഒറ്റ മുണ്ടിൽ ഒരു  മഹാൻ

ചുമരിൽ തൂങ്ങി ആടുന്നു  .

ലളിതമാകാൻ പറഞ്ഞും

പഠിപ്പിച്ചും കൊണ്ട് .....

പ്രവർത്തികൾ മുഴുമിപ്പിച്ചു

മനസ്സു വെടിപ്പാക്കി ദൈവത്തെ

ഓർത്തപ്പോൾ  അകത്തോ

ഒരു തരി  വെളിച്ചം .