സ്പർശം
-----------------------------------
ഇന്നലെ ഞാൻ അവളെ
കണ്ണാൽ ഒന്നു തൊട്ടു.
മിഞ്ഞാന്നു കവിതയാൽ
ചെറുതായി ഒന്ന് തലോടി.
അഞ്ചാറു ശ്വാസം അവളായി
ഉറക്കം അവളുടെ കണ്ണായി
അവൾ കിടന്ന പായ
അവൾ പുതച്ച തുണി
അവൾക്ക് ചുറ്റും വീശിയ കാറ്റ്
അവളുടെ ശബ്ദം
അവളുടെ ലോകം
എല്ലാറ്റിലും ഞാൻ.
അവൾ അതറിഞ്ഞില്ല
എന്ന്അവൾ പറയും മുമ്പേ
അവളെ മനസ്സിൻടെ വിശാലമായ
തോപ്പിലേ ഒരു പൂവിരിച്ച
കുഴിയിൽ പുതച്ചു അതിന്
മുകളിൽ പതുക്കെ പുതുമണ്ണ്
വീശിയതും ഞാൻ?
ഇനി അടുത്ത കവിതയും
അവൾക്കായി എഴുതുക തന്നെ..
No comments:
Post a Comment