ഒരു ഡയലോഗ് ഉണ്ടാക്കിയ കവിത

 ഒരു സിനിമാ ഡയലോഗ് ഉണ്ടാക്കിയ കവിത 

=================================

ഇരുന്നൂറ് കോടി കിട്ടിയ

ആദ്യ മലയാള സിനിമ

ലൂസിഫർ

കണ്ണിമ വെട്ടാതെ ലാൽ

ഒരു സിനിമയിൽ മുഴുവനായി

അഭിനയിച്ച സിനിമ ലൂസിഫർ

ഇതൊന്നും അല്ലാതെ

ഒരടൂർ നിലവാരം ഉള്ള

ഡയലോഗ് ലൂസിഫറിൽ

ഉണ്ട് എന്ന് ഉണ്ടുണ്ണിക്ക്

മനസ്സിലായത് സ്വന്തം

അച്ഛൻ മരിച്ചു ഒരാഴ്ച

കഴിഞ്ഞാണ്.

സ്വന്തം അച്ഛൻ വയ്യാതെ കിടന്നപ്പോൾ

ഒന്ന് കാണാൻ പോലും വരാത്തഉറ്റവർ.

ഒരു നിവർത്തിയും ഇല്ലാതെ വന്നവർ.

വരേണ്ടിയിരുന്നിട്ടും വരാത്തവർ.

അച്ഛൻ നേരത്തെ മരിച്ചു പോയതിനാൽ

വരാത്തവർ.

അച്ഛനില്ലാതെ പിറന്നതിനാൽ

 ശരീരം കാണാൻ വരാത്തവർ.

അച്ഛൻ മരിച്ച അന്ന് വൈകീട്ട്

ഉല്ലാസ യാത്ര പോയവർ.

ഇവർക്കൊക്കെയായി ഒരു 

പ്രതികാരപഞ്ചു ഡയലോഗ്

മനസ്സിൽ ആവർത്തിച്ചു

പറഞ്ഞു കരുതി വച്ചിട്ടുണ്ടുണ്ണി.

"തമ്പി.. മയിൽവാഹനം.

.നിന്റെ---- തന്ത---- അല്ല --- എന്റെ....തന്ത "

********************************************

*പണ്ട് വല്യേട്ടൻ കണ്ടാണ് ഉണ്ടുണ്ണി

"നിന്റെ കൈ തരിപ്പ് നീ തീർത്തു.."

എന്ന ഡയലോഗ് കേട്ടു തരിച്ചു

നിന്നത്.

പിന്നെ തരിപ്പ് ലൂസിഫർ.

********************************************

 *"താങ്ക്സ്" - പൃഥ്വിരാജ്

താങ്കളുടെ തന്തയും മോശമായിരുന്നില്ലല്ലോ.

ഡയലോഗ് ഡെലിവെറിയിൽ....

********************************************

(വൽക്കഷണം - വാടാ.. എന്നും ഉണ്ടുണ്ണി

ഒരിക്കൽ പറഞ്ഞതാ.. എന്നാൽ അന്നു മറ്റവൻ പോടാ..

എന്ന് മറുപടി പറഞ്ഞു കളഞ്ഞു )

*****************************************

പൊള്ളം

 പൊള്ളം

പൊള്ളച്ച ഒരു ഗർഭപാത്രത്തിൽ

നിന്നു

പല പൊള്ളങ്ങളേയും പോലെ 

ഒരു ചുവന്ന പൊള്ളം

പുറം ചാടി.

ആകാശവും മണ്ണും തൊട്ടും

മഴയും ചൂടും തൊട്ടും

പൂവും കായും തൊട്ടും

ചരിഞ്ഞും കുണുങ്ങിയും

ചാടിയും ഉരുണ്ടും

പ്രതിഫലിപ്പിച്ചും 

 നീങ്ങിയാ പൊള്ളങ്ങൾ

ഇന്നെവിടെ?

അനന്തതയിൽ മറഞ്ഞ

പൊള്ളം തിരഞ്ഞ ഞാൻ 

വീർപ്പിനെയും കാണാനില്ല.

 പൊള്ളങ്ങൾ ഒരിക്കലും

പൊട്ടില്ല..

പൊട്ടാനുള്ള ആവതുള്ളവ അല്ലവ.

പൊള്ളങ്ങൾ ലയിക്കുന്നു..

-കാണാണ്ടാവുന്നു..

കവിത വരാത്ത കുഞാവറാvu

 കവിത വരാത്ത കുഞ്ഞവറാവു 

കവി കുഞ്ഞവറാവു

ഒരു പാതിരാ നേരത്ത്

എഴുത്ത് മേശക്ക്

മുന്നിൽ ഒരു പേനയും

തുറന്നും വച്ചു

അന്തം വിട്ടിരിക്കുന്നു.

രാവിലേ കഞ്ഞി മോന്തി.

പല്ല് തേച്ചു.

ലൈഫ് ബോയ് സോപ്പ്

ഉരച്ചു കുളിച്ചു

സൂര്യൻ വന്നു

വെയില് വന്നു

പിച്ചക്കാര് വന്നു

ഭാര്യ സുമതി പച്ചക്കറി

കൊണ്ടുവന്നു.

മോന്തിക്ക് രണ്ടു പെഗ്ഗ്

മോന്തി..

ചന്ദ്രിക എത്തി.

എന്നിട്ടും കവിത മാത്രം

വരുന്നില്ല.

അരികെ നിൽക്കും

മിന്നാ മിന്നിയും

അവളെ തിരയുന്നു.

അവൾ എന്ന

അല്ലെങ്കിൽ ഓളുടെ

കണ്ണെന്ന മിന്നാട്ടത്തെ..

ആ മിന്നാട്ടങ്ങൾക്കായി

കവി കുഞ്ഞവറാവു

ഇന്ന് കഴിഞ്ഞില്ലേലും

നാളെയോ

മറ്റെന്നാളോ ആയി

അക്ഷരമിനിയും ശർദ്ധിക്കും!.