കുന്നേ..
========
പൂക്കൾ നിന്നിരുന്നാ കുന്ന്,
മരങ്ങൾ പെയ്തിരുന്നോരാ കുന്ന്,
കാറ്റു പാട്ടു മൂളിയൊരാ കുന്ന്,
കിളികൾ ഊഞ്ഞാൽ കെട്ടിയാ കുന്ന്,
സൂര്യൻ ചോത്തു മുങ്ങി താഴുമാ കുന്ന്,
ചന്ദ്രനോളം പൊന്തി നിന്നോരാ കുന്ന്
ക്യന്നേ, നീ എവിടെ?
നിന്റെ മാറിൽ നിന്നും ഊറ്റിയ നീർ,
നിന്റെ പച്ചിലകളിൽ കിടന്നു
സന്തോഷം കൊണ്ട് പിടഞ്ഞു രസിച്ചോരാ ഇണകൾ ,
നിന്നിൽ നിന്നും കിട്ടിയോരാ
പഴങ്ങൾ.
കുന്നേ? എവിടെ?
നീ ഉറപ്പിച്ചു പിടിച്ചൊരാ മണ്ണ്?
നീ മറച്ചു കാത്തോരാ വീട്?
നീന്നിൽ നൃത്തം വെച്ചൊരാ മയിലുകൾ?
നിന്നിൽനിന്നും അടർത്തിയോരാ കൊമ്പുകൾ?
നിന്റെ തണുപ്പ്?
നിന്റെ ശാന്തത?
നിന്നെ ചവുട്ടി നടന്നോരാ വളഞ്ഞ,
ചെറിയ മഞ്ഞ ഇല നിറഞ്ഞൊരാ
വഴികൾ?
എത്ര എടുത്താലും വീണ്ടും വന്നു
നിറയുമാ പച്ചപ്പ്‌?
എന്റെ വള്ളി ഊഞ്ഞാല്?
നിന്നിൽ നിന്നും ഊർന്നു വീട്ടു
വളപ്പിലൂടെയും പാടത്തിലൂടെയും
ഒഴുകി നീങ്യോരാ നീർ ചാലുകൾ?
നിന്റെ മടിയിൽ കിടന്നൊരാ നിമിഷങ്ങൾ?
നീ തന്ന ഉറപ്പുകൾ?
നീ തന്ന ആശ്വാസങ്ങൾ?
കുന്നേ? എവിടെ?
