മൂത്രം

 

മൂത്രം

=======

മനസ്സ് നിറച്ചും ഭാവന നിറഞ്ഞ

ഒരു ചെറുപ്പക്കാരൻ മൂത്രം

ഒഴിക്കാനായി ടോയ്‌ലെറ്റിൽ എത്തി.

അവിടെ മൂത്രം ഒഴിച്ചുരുന്ന

പുരുഷൻമാർക്കിടക്കു ബാത്ത് റൂം

വൃത്തിയാക്കി കുറെ സ്ത്രീകൾ

നിന്നിരുന്നു.

മൂത്രം ഒഴിക്കാൻ ആകാതെ ആ 

ചെറുപ്പക്കാരൻ കുറച്ചു നേരം

അവർ പോകുന്നുണ്ടോ എന്നും

നോക്കി അവിടെ നിന്നു.

- പിന്നീട് അവൻ അവനിലെ

ഭാവനയെ ആദ്യം ഒഴിച്ചു മാറ്റി.

ആർട്ടിഫിഷ്യൽ ഇന്റലിജെൻസ്

ആർട്ടിഫിഷ്യൽ ഇന്റലിജിൻസ്

==========================

മാതൃ ഭാഷ എഴുതാനും വായിക്കാനും

പഠിക്കാത്ത കുട്ടിയോട് ഒരാൾ

ചോദിച്ചു.

നീ നിന്റെ മണ്ണിനെ, വേരിനെ,

അമ്മയെ, അമ്മിഞ്ഞപ്പാലിനെ

എങ്ങനെ അറിയും?

കുട്ടി അതിനുത്തരം പറഞ്ഞു.

"ഇപ്പൊ നിങ്ങളെ അറിയുന്ന പോലെ.."

തൊപ്പി

 തൊപ്പി

======

ഒരു തൊപ്പിമനുഷ്യൻ

ജീവിച്ചിരുന്നു.

ഉറങ്ങുമ്പോൾ പോലും

തൊപ്പി ഊരിവെക്കാൻ

ഇഷ്ടപ്പെടാതിരുന്ന അദ്ദേഹത്തെ

തൊപ്പി ധരിക്കാത്തവരുടെ

ഒരാൾക്കൂട്ടത്തിൽ നിന്ന്

ആളുകൾ പെട്ടെന്ന്

 തിരിച്ചറിയുമായിരുന്നു.

അങ്ങനെ ഇരിക്കെ ഒരിക്കൽ

അയാളുടെ തൊപ്പി അയാൾക്ക്‌

നഷ്ടപ്പെട്ടു.

"സ്വന്തം പിതാവ് മരിച്ച പോലെ..."

എന്നായിരുന്നു അയാൾ അതിനെ

കുറിച്ച് പറഞ്ഞത്.

- അയാൾ ആൾക്കൂട്ടത്തിലെ

ഒരംഗം മാത്രമായി.

ഭാവന

 ഭാവന

========

സത്യം മനസ്സിനെ കൊന്നു.

എന്നാൽ ഭാവനയുടെ വിത്തുകൾ

നട്ടപ്പോൾ അതാ, അവിടം

ഒരായിരം പക്ഷികൾ പറന്നു

നടക്കുന്നോരത്ഭുതം.

ഒരരികത്തു ധ്യാനനിമഗ്നനായി ദൈവം.

അപ്പുറം സംസ്കാരത്തിന്റെ പുഴ.

ഇടക്ക് കുടുംബം,

പട്ടാളക്കാർ,

നേതാക്കൾ....

ഭാവന ചിറകടിച്ചും

ചിറകു വിരിച്ചും...

ലിസ്റ്റ്

 

ലിസ്റ്റ്

=====

മരിച്ചവരുടെ ഒരു കണക്കെടുപ്പ്.

കണക്കിൽ മുമ്പ് മരിച്ചവർ

പിറകെയും ഇപ്പോൾ മരിച്ചവർ

മുന്നിലും ആയി കയറിക്കൂടി.

ചിലർ അറിയാതേ ഒഴിവായി.

 അറിയപ്പെടാത്ത

ചിലർ കയറിപ്പറ്റി.

കണക്കെടുപ്പിനെ നോക്കി

അപ്പോൾ വന്ന ഒരു ശവം ചിരിച്ചു.

എപ്പോളാണ് തുടങ്ങിയത് എന്നും എപ്പോളാണ്

തീരുക എന്നുമായി ശവം.

കണക്കെടുത്ത ആള് തീർന്നാലേ

കണക്കെടുപ്പ് തീരൂ എന്നാവും

ആ ചിരിയർത്ഥം.

എന്നാലും മരിച്ചവരുടെ, അവർക്കു

ഉപയോഗിച്ച സാധനങ്ങളുടെ, അവയുടെ

വിലയുടെ അവരെ സംസ്കരിച്ച

സമയത്തിന്റെ, അവരുടെ വാർഡിന്റെ,

അവരുടെ പേരിന്റെ, വയസ്സിന്റെ അവരുടെ ലിംഗത്തിന്റെ ഒരു കണക്കു

എടുക്കാതെ പിന്നെ?

എന്തിനാ റേഷൻ ഷോപ്പ് തുടങാ നാണോ?

എന്തായാലും നിങ്ങൾക്ക്

സംവരണ നിയമങ്ങൾ പാലിക്കാൻ

കഴിയില്ല..

വീണ്ടും ശവത്തിന്റെ തുറന്ന പല്ലുകൾ.

ശവങ്ങൾ ചിരിക്കില്ല എന്നാണ് അറിവ്.

ശവങ്ങൾ ചിരിച്ചാൽ അതിലും

മനോഹരമായി ആർക്കും ചിരിക്കാൻ

ആകില്ല എന്നത് ഒരു പുതിയ അറിവ്.

നിങ്ങളുടെ കണക്കു ചേർക്കുന്നില്ലേ

എന്നാണ് ആ ചിരിയുടെ അർത്ഥം എങ്കിൽ അതിനു ഒരു ഉത്തരം മാത്രം.

എന്റെ പേര് തന്നെയാണ് ഞാൻ

ആദ്യം ചേർക്കുക..

-എവിടെയെങ്കിലും എന്നിൽ മരണം

ഉണ്ടായിട്ടില്ല എന്നോ മരിക്കില്ല എന്നോ ഇത് വരെ മരിച്ചിട്ടില്ല എന്നോ വേണമെങ്കിൽ അവർക്കു തെളിയിക്കാം.

പ്രതികാരം ഏൽക്കാനും പറ്റും വിധം

ഒരു ശവവും ഏൽപ്പിക്കാൻ ആകാതേ

കുറേപ്പേരും.

Nb മരിച്ചോന് എന്ത് ആൾജിബ്രാ?

(പ്രദീപ് )

ഹൃദയപുസ്തകം

 ഹൃദയപുസ്തകം 

==============

 കുട്ടിക്കാലത്ത് ആണ് 

അവൾക്ക് 

എവിടെ നിന്നോ കിട്ടിയ,

ആരോ തന്ന 

ഒരു മയിൽപ്പീലിത്തുണ്ട്

കൊടുത്തത്..

പിന്നീട് അവളില്ലാത്തപ്പോൾ

പുസ്തകത്തിലെ 

മയിൽ‌പീലിത്തുണ്ട്

വലുപ്പം വച്ചോ എന്ന്

നോക്കിയപ്പോൾ കണ്ടത് 

അതിന്നകത്തു

 മടക്കി വച്ചിരിക്കുന്ന

നാലോ അഞ്ചോ പേരുടെ

പ്രണയലേഖനങ്ങൾ ആണ്.

വർഷങ്ങൾക്കു ശേഷം 

ഇന്ന്, അവളെ വീണ്ടും

കണ്ടപ്പോൾ അവൾ

എന്തിനാണ് എന്നോട്

അന്ന് കൊടുത്ത ആ

മയിൽ‌പീലിത്തുണ്ടിനെ

കുറിച്ച് പറഞ്ഞത്?

ഹൃദയ പുസ്തകത്തിന്റെ

ഏതു താളിലാണ്

അവൾ ഇത്ര നാളും

ആ മയിൽ‌പീലിത്തുണ്ട്

കേടുവരാതെ,

മാനം കാട്ടാതെ 

ഓർമ്മിച്ചു, ഒളിച്ചു

വച്ചിരുന്നത്?

(പ്രദീപ്‌ )