സ്പേസ്
========
ഞാൻ ഒരു കസേരയിൽ
ഇരിക്കുമ്പോൾ ആണ്
അവരും അവിടെ ഇരുന്നത്.
ഞാൻ ജീവിക്കാൻ
ശ്വാസം എടുക്കുമ്പോൾ ആണ്
അവരുടെ ശ്വാസങ്ങളാൽ
എനിക്ക് ശ്വാസം മുട്ടിയത
ഞാൻ അവളെ ശ്രദ്ധിച്ചു
തുടങ്ങുമ്പോളേക്കും
അവർ അവളെ വെളുത്ത
മൂടൽ മഞ്ഞിൽ മൂടി കിടത്തി.
അവരുടെ മദ്യ കുപ്പിക്കു
തൊട്ടരികെ ഉള്ള എന്നേ
കാണാതെ അവർ അവിടെ
നിന്നും പിക്കിൾസു തോണ്ടി.
നൃത്തശാലയിലെ യുവതികൾ
എന്റെ ശരീരത്തിലേക്കു
വസ്ത്രങ്ങൾ ഉരിഞ്ഞു.
എന്റെ കിടപ്പു പായക്ക് മുകളിൽ
അവർ കൂർക്ക കൃഷി ചെയ്തു.
എന്റെ തീറ്റ പാത്രത്തിനു
മുകളിൽ അവർ പന്നിയെ വളർത്തി.
എന്റെ നടപ്പിന്റെ മങ്ങിയ സീബ്ര
വരകൾക്ക് മുകളിൽ അവർ
നിറച്ചും വാഹനങ്ങൾ പാർക്ക്‌ ചെയ്തു
-പഴയ കാലത്തിൽ
മനുഷ്യ പുത്രന് തല ചായ്ക്കാൻ
മണ്ണിൽ ഇടമില്ല എന്നു
പാടുക എങ്കിലും ചെയ്യാമായിരുന്നു.
ഇന്ന് അതിനും മണ്ണിൽ
സ്പേസ് ഇല്ല!
(പ്രദീപ്‌ )
No comments:
Post a Comment