യുദ്ധം

യുദ്ധം

=========

തോർത്തുപോലും ഉടുക്കാതെ

ഒറ്റക്കായ്‌ ,അറച്ചും വിറച്ചും

ഞാൻ .

കുപ്പിപാഷാണം തിന്നാനെലി -

ചിന്തിച്ചരികി ലായ്, മുകളിലായ് ..

പപ്പിയേ തലോടി നീ വന്നൂ പതിയെ

കാറിൽ -

ചിരിക്കാതെ അറക്കാതെ, ഉറയാതെ

ത്രസിക്കാതെ, ചുവക്കാതെ നിന്നൂ നീ

അത് പരിചയത്തിൻടെ കാപട്യം .

ലൈംഗീകത ഒരു തേരട്ടപ്പാലം

ബലമില്ലാതിളകും കുഴൽപ്പാലം

മുളം തണ്ടു വീണ ചാലിൻ മേൽപ്പാലം .

പുറത്തു കാർമേഘം ,പുല്ലാങ്കുഴൽ

വിളി- മേഘമേ ?ഒരിറ്റു മഴയിൽ

ഭൂമിക്കു കുളിരുമോ ?

മനുഷ്യനായവൻടെ ജീവിത

നായ്ക്കോല ക്കൂട്

യന്ത്രമാകട്ടെ ,യന്ത്രമാകട്ടെ

യന്ത്രികത ഈ നൂറ്റാണ്ടിൻടെ

വാക്കക്ഷരം വാചകം

സ്‌കോപ്പിലെ നാടകം -

അക്വേറിയത്തിലെ മീനിൻടെ

ചലനം

ഇൻപുട്ടിലെ വൈറസ് -

മോണിറ്ററിൽ ഔട്പുട്ടതൗട്ട്

നീ ഒരു ബിരുദ ധാരിണീയിവൻ

ജീവിതബിരുദമറിയാതെ നേടി

ദിവാകരൻ കണ്ട പകൽ സ്വപ്ന-

മാണു ദിവാസ്വപ്നം

ഇന്നലെ പുലർച്ചെ വന്നയീ

പതിമൂന്നാമൻടെ ആദ്യത്തെ

കണ്മണീ -ദിവാകരൻ

കുട്ടിയുടുപ്പിനു കടം വാങ്ങില്ല

ആരും ചോദിച്ചാൽ തരുകില്ല

ഈ പതിമൂന്നാമൻടെ അന്ത്യ

കണ്മണീ -ദിവാകരൻ

( ഗൈനക്കോളജിസ്റ്റുമായുള്ള

പുക്കിൾക്കൊടി ബന്ധത്തിൽ നിന്ന് -)