ഒരു വലിയ തമാശ.
===================
പരിസ്ഥിതി ദിനത്തിൽ
നട്ട ഒരു ചെടിയെ നോക്കി
പരിസ്ഥിതി ദിനത്തിൽ
അല്ലാതെ ജനിച്ചു വളർന്ന
വലിയ മരങ്ങൾ
എന്തോ അടക്കം
പറഞ്ഞു വെറുതേ ചിരിച്ചു.
പരിസ്ഥിതി ദിനത്തിൽ നട്ട
ചെടിയെ നോക്കി കൈക്കോട്ടും
വെള്ളവും കുഴിയും ചിരിക്കുന്നു.
പരിസ്ഥിതി ദിനത്തിൽ നട്ട
ചെടിയെ നോക്കി പരിസ്ഥിതി ചിരിച്ചു.
പിന്നെ പരിസ്ഥിതി ദിനത്തിൽ
നട്ട ചെടിയുടെ ഫോട്ടോ
എടുത്തപ്പോൾ
നട്ട ആൾക്കൊപ്പം ചെടിയും ഒന്ന്
ചിരിച്ചു -
(അത് ഒരിക്കലും വളരാത്ത
, തളരാത്ത, പൂക്കാത്ത കായ്ക്കാത്ത
ഇല പൊഴിക്കാത്ത ഇളകാത്ത
എന്നാൽ ചിരിച്ച ഒരു ചെടിയുടെ 'പോട്ടം '' ആയിരുന്നു.)
Nb.. ആയിടക്കു നടന്ന ഒരു മലയാളം പരീക്ഷക്കാണ് ദാമോദരൻ കുട്ടി
എന്ന കുട്ടി പരിസ്ഥിതിയുടെ അർത്ഥം
ചെടി നടൽ എന്നാണ് എന്ന് എഴുതിയത്.
No comments:
Post a Comment