ചുട്ട മണ്ണ്

 ചുട്ട മണ്ണ്

അപ്പം ചുട്ട മണ്ണ്

കാല് ചുട്ട മണ്ണ്

ശരീരം ചുട്ട മണ്ണ് 

വര

കുറെ വരകൾ കൂട്ടി 

വെച്ചപ്പോൾ ലോകം 

ശാന്തത

ശാന്തി ലഭിക്കാനായി

കയറി ഇറങ്ങാത്ത

 കടകൾ ഇല്ല.

ഉമ്മ

അറിയാതെ ആണ് ഉമ്മ സംഭവിക്കേണ്ടത്.

പന്നി

ഒരു മൃഗത്തെ കൊന്നാൽ ഏഴു

വർഷം തടവാണത്രെ..

പന്നിക്കച്ചവടക്കാരൻ, പുണ്യളാ?

ഗേറ്റ്

ഗേറ്റ് തുറന്നിട്ടിട്ടു പോലും

പശുവും ആടും ഒന്നും

അകത്തേക്ക് കയറുന്നില്ല

കൊലപാതകം

 അംഗീകാരം ഉള്ള

 കൊലപാതകം

അംഗീകാരം ഇല്ലാത്ത

കൊല പാതകത്തെ

കളിയാക്കുന്നുണ്ട്.

നല്ല കാലം

കാശു വേണ്ടാത്ത

കാലം.

സ്വർണ്ണം.

സ്വർണ്ണം പറയുന്ന

കല്യാണക്കഥകൾക്ക്

കണ്ണീരുപ്പ്.

പൂർണ്ണത

പൂർണ്ണത എത്തിയാൽ

പിന്നെ

ജീവൻ വേണ്ട.

ഓർമ്മ

ഓർമ്മകളെ ഒന്ന്

ക്രമീകരിക്കേണ്ടതുണ്ട്.