ഓർമ്മയുമായി ഒരു സംവാദം

 ഓർമ്മയുമായി

ഒരു സംവാദം

-------------------------------------

ഓർമ്മേ...

നീ മുറ്റത്തെ ചക്കര

മാവിൻ ചുവട്ടിൽ ഓടി

ക്കളിക്കുവാനെത്തുന്ന

പാട്ടായി.

ശിശിരമായി..

തരിവള ചാർത്തി വരുന്നൂ

വിമൂഖമായി..

വല്ലപ്പോളും ആയി..

ഓണമായി.

ഓർമ്മിക്കണം എന്ന വാക്കായി.

പ്രതികാരമായി....

ഭാരമായി...

ഇല്ലാതാവേണ്ടതായി .....

ഓർമ്മേ...

മോനോലിസയുടെ ചിരി

 മോനോലിസയുടെ ചിരി

-----------------------------------------

മോനോലിസ

ചിരിക്കുന്നുണ്ടെന്നു

പറയുന്നവർ

ആ ചിരിയുടെ അർത്ഥം

അറിയാൻ ആവില്ലെന്നും

പറയുന്നു.

ഇന്നലെ ഒരു രാത്രി സ്വപ്നമായി

മോനോലിസ മനസ്സിലേക്ക്

എത്തി.

നിങ്ങളുടെ ചിരിയുടെ അർത്ഥം?

ഞാൻ മോനോലിസയോട്.

ഞാൻ ചിരിച്ചിട്ടേ ഇല്ല..

-മോനോലിസ.

മതേതരൻ

 മതേതരൻ

--------------------

ഞാൻ ഒരു മതത്തിൽ

ജനിച്ചു വീണു.

എന്നേ ജനിപ്പിച്ചവരും

ആ മതത്തിലൂടെയോ,

ഏതൊക്കെയോ

മതങ്ങലിലൂടെയോ 

വന്നവർ ആകേണം.

എന്റെ മതത്തിലെ

ചടങ്ങുകളിലൂടെ

ഞാൻ നീങ്ങുന്നു.

എന്റെതായ പേരിടൽ കർമ്മം

എനിക്കുണ്ട്.

എന്റേതായ വിവാഹവും

എന്റേതായ ആരാധനാലയവും

എന്റേതായ മരണവും

എന്റെ മതം എനിക്ക് തരുന്നു.

നിന്റെ മതത്തിന്റെ

ഇപ്പുറത്തു നിന്ന് ഞാൻ

നിന്നെ എത്തി നോക്കാറുണ്ട്.

ഞാൻ ഒരു മതമുള്ള

മതേതരൻ അത്രേ.

മതിമില്ലാത്തവൻ

മതേതരൻ ആവില്ല.

അവൻ ഇതരൻ മാത്രം.

മതത്തെ തിരഞ്ഞു പോയാൽ 

എത്തുന്ന സ്ഥിരം

വേർതിരിവുകൾ.

വേർതിരിവുകളുടെ

അപ്പുറവും ഇപ്പുറവും ആയി

ഒന്ന്.

അത് സർവ്വ ശക്തമായ ഒരു

ശക്തിയെന്ന് ചിലർ.

സർവ്വ ശക്തമായ അശക്തി

എന്നും ചിലർ.

എന്റെ മതം എനിക്ക്

ദൈവത്തെ തരുന്നു.

എന്റെ സംസ്കാരം നിശ്ചയിക്കുന്നു.

എന്റെ മതം വളരെ പഴക്കമുള്ളതാണ്.

എന്നാലും ഇന്നും അതിനു വേണ്ടി

കൊല്ലാനും മദം പൂണ്ടു ചിലർ.

എന്റെ മതം തരുന്ന ചോറ്

എന്റെ മതത്തിനോടുള്ള എന്റെ

കൂറ് കൂട്ടാറുണ്ട്.

എന്നാലും മറ്റു മതക്കാരന്റെ

വേദനയും വിശപ്പും തന്നെയാണ്

എന്റെ മതക്കാരന്റെയും.

മതങ്ങൾക്കപ്പുറമിപ്പുറം പൊതുവായി

പലതും ഉണ്ട്.

മാനത്തിന് മതമില്ല.

എന്റെ വീട്ടിലെ പക്ഷി

എന്റെ മതത്തിലേതു ആണോ?

എന്റെ കാൽച്ചുവട്ടിലെ മണ്ണ്

മതം നോക്കാതെ പെയ്യുന്ന

മഴ വെള്ളത്തിൽ ഒലിച്ചു

അപ്പുറത്തെ മതക്കാരന്റെ

വീട്ടു വളപ്പിൽ...

പിന്നെ അത് രാജ്യം പോലും

ഇല്ലാത്ത കടലുകളികലേക്ക്...

മതത്തിന്റെ ലാഭനേത്രമേ,

എന്നേ മതേതരൻ ആക്കിയേക്കുക, എപ്പോളും..

എന്റെ ജനലിലൂടെ നോക്കുംമ്പോൾ..

 എന്റെ ജനലിലൂടെ

നോക്കുമ്പോൾ..

================

എന്റെ ജനലിലൂടെ

നോക്കുമ്പോൾ

ആകാശം കാണുന്നു.

പതുക്കെ പറക്കും

കിളികളെ കാണുന്നു.

ഒഴുകുന്ന പുഴയുടെ

ഒരോരം കാണുന്നു.

തീവണ്ടി പോകുന്നതും

റയിൽ പാളങ്ങളും

പച്ചപ്പാടവും റോഡും

കാണുന്നു.

ക്ലാസ്സിലേക്ക് പോകുന്ന

കുട്ടികളെയും കടയിലേക്ക്

പോകുന്ന ആളുകളെയും കാണുന്നു.

എന്റെ ജനലിലൂടെ നോക്കുമ്പോൾ അപ്പുറത്തെ വീടുകളിലെ

ഒരിക്കൽ പോലും തുറക്കാതെ

ഇട്ടിരിക്കുന്ന ഒരു പാടു ജന്നൽ

പാളികളേ കാണുന്നു.

എന്റെ ജനലിലൂടെ നോക്കുമ്പോൾ

അവയിൽ മുട്ടി തെറിക്കുന്ന

അലസനായ കാറ്റിനെ കാണുന്നു.

ക്ലാസ്സ്‌മേറ്റ് കർത്യാനി

 ക്ലാസ്മേറ്റ്‌ കർത്യാനി

=================

ക്ലാസ്സ്‌മേറ്റ്‌ കർത്യാനി

പത്തിലാണ് പഠിത്തം

നിറുത്തിയത്.

ഒമ്പതിലെ യുവജനോത്സവത്തിലെ

പിരാന്തി പെണ്ണായി അഭിനയിച്ചു

ഒന്നാം സ്ഥാനം നേടിയ

കർത്യാനി പിന്നെ ഹോട്ടലിൽ

അച്ഛനെ വിളമ്പാനും

അമ്മയെ ഭക്ഷണം ഉണ്ടാക്കാനും

സഹായിക്കുന്നവളായി മാറി

എന്നാണ് അറിഞ്ഞത്.

പിന്നെയും കർത്യാനിയെ അവിടെയും

ഇവിടെയും ഒക്കെ ആയി കണ്ടു.

പലതും കേട്ടൂ.

ഒന്ന് കൂടെണ്ടേ? എന്ന ദുർഭല ചോദ്യത്തിന് കാർത്യനി നമ്മള്

പഴേ കളിക്കൂട്ടുകാരല്ലേ? എനിക്ക്

പറ്റില്ല എന്ന പൈങ്കിളി വരിയാണ്

മറുപടി പറഞ്ഞത്.

പിന്നീടും ക്ലാസ്സ്‌മേറ്റ്‌ കർത്യാനി

പണ്ട് അവൾക്കു എങ്ങനെയാണ്

നാടക മത്സരത്തിനു ഒന്നാം സ്ഥാനം

കിട്ടിയത് എന്ന് കാണിച്ചു കൊണ്ടേയിരുന്നു.

പ്ലാവില

 പ്ലാവില

പ്ലാവിൻ കൊമ്പിൽ കെട്ടിയ

ഊഞ്ഞാലിൽ നിന്ന്

ചുക്കാൻ കുത്തുമ്പോൾ

 പ്ലാവിലകളുടെ കൂടെയാട്ടം.

വേലിയും ചാടി വരും

ആടിനെകാണാൻ

പടിക്കലും നോക്കി

കിടപ്പുണ്ടാ പ്ലാവില.

മണ്ണിൽ കുതിർന്നു

വെള്ളം നനഞ്ഞു

ഇറുംമ്പരിച്ചു

പാതി മണ്ണായും

പാതി ഉറുമ്പായും

പാതി വെള്ളമായും 

പാതി ചത്ത് 

പ്ലാവില തൊപ്പി വച്ചു

പ്ലാവില കാറ്റാടി കറക്കി

കളിക്കുന്ന കുട്ടിക്ക്

ഇപ്പോളെ പ്ലാവില

കയ്യാൽ കഞ്ഞിയോ?

ഉള്ള മുള്ളും ഇല്ലാത്ത മുള്ളും

 ഉള്ള മുള്ളും ഇല്ലാത്ത മുള്ളും

-------------------------------------------------

പലരുടെയും മുള്ളേറിൽ

ഒരഞ്ചാറു മുള്ളുകൾ എങ്കിലും

കുത്തി തറഞ്ഞത്

ഉള്ളിൽ തന്നെയാണ്..

പറിക്കാനായി അനക്കാൻ

നോക്കുമ്പോൾ 

ചോര തെറിപ്പിച്ചും ഒലിപ്പിച്ചും

മുള്ളു അതിന്റെ പണി തുടർന്നു.

പിന്നീട് എന്നോ 

"ഉള്ളേ ഇല്ല "

എന്ന ചിന്ത 

അയാളിൽ എത്തി.

അതോടെ പതുക്കെ മുള്ളുകൾ 

ഇല്ലാണ്ടായി.

പുല്ലു മുളക്കുന്നത് എവിടെയൊക്കെ ആണ്?

 പുല്ലു മുളക്കുന്നത്

എവിടെയൊക്കെയാണ്.

സർവീസിൽ നിന്നും

റിട്ടയർ ചെയ്യുന്ന ദിവസത്തെ

റിട്ടയേർമെന്റ് പാർട്ടിയിൽ

പലരുടെയും ചിന്ത അന്നത്തെ

ഫോട്ടോ എടുക്കലുകളെക്കുറിച്ചും

ഭക്ഷണവിഭവങ്ങളേക്കുറിച്ചും

പ്രസംഗരൂപത്തിൽ തട്ടി

വിടേണ്ട ഡയലോഗുകളെ

കുറിച്ചുമാണ്.

"പോടാ പുല്ലുകളേ.."

എന്ന് മാത്രമാണ്

അയാൾ ഇതിനൊക്കെ

മറുപടി പ്രസംഗമായി

അന്ന് പറഞ്ഞത്.

-പിന്നീട് മുറിയിൽ നിലത്തു

ആയി മുളച്ചു പൊന്തിയ

മൂന്നോ നാലോ പച്ച പുല്ലുകളേയാണ്

ഉദ്ദേശിച്ചത് എന്നും അതിനുള്ള

ഔദ്യോകികവിശദീകരണം ആയി

അയാൾക്കു പറയേണ്ടിവന്നു.

അല്ലെങ്കിലും പുല്ലുകൾ

മുളച്ചുണ്ടാവുന്നത് എവിടെയൊക്കെ

ആണ്?

ഒരിന്ത്യൻ തിരക്കഥയിലൂടെ എന്റെ ദുഃഖം പറഞ്ഞപ്പോൾ

 ഒരിന്ത്യൻ തിരക്കഥയിലൂടെഎന്റെ ദുഃഖം പറഞ്ഞപ്പോൾ.

എന്റെ ദുഃഖം എഴുതാൻ

ശ്രമിച്ച തിരക്കഥയിൽ

മൂന്നോ നാലോ പ്രണയ

ഗാനങ്ങൾ ഉണ്ടായിരുന്നു.

കുറച്ചു കോമഡി സീനുകളും

രണ്ടു സ്റ്റണ്ട് സീനും

പുതിയ സംഗീതഉപകാരണത്താലും

പുതിയ വസ്ത്രാലാങ്കാരങ്ങളാലും

എഡിറ്റിങ് ടെക്നിക്കുകളാലും

പറഞ്ഞുഫലിപ്പിച്ചു എന്റെ ദുഃഖം

ഇന്ന് ഒരു വിജയ ഫോർമുലയിൽ

എത്തി നിൽക്കുന്നു.