എന്റെ ജനലിലൂടെ
നോക്കുമ്പോൾ..
================
എന്റെ ജനലിലൂടെ
നോക്കുമ്പോൾ
ആകാശം കാണുന്നു.
പതുക്കെ പറക്കും
കിളികളെ കാണുന്നു.
ഒഴുകുന്ന പുഴയുടെ
ഒരോരം കാണുന്നു.
തീവണ്ടി പോകുന്നതും
റയിൽ പാളങ്ങളും
പച്ചപ്പാടവും റോഡും
കാണുന്നു.
ക്ലാസ്സിലേക്ക് പോകുന്ന
കുട്ടികളെയും കടയിലേക്ക്
പോകുന്ന ആളുകളെയും കാണുന്നു.
എന്റെ ജനലിലൂടെ നോക്കുമ്പോൾ അപ്പുറത്തെ വീടുകളിലെ
ഒരിക്കൽ പോലും തുറക്കാതെ
ഇട്ടിരിക്കുന്ന ഒരു പാടു ജന്നൽ
പാളികളേ കാണുന്നു.
എന്റെ ജനലിലൂടെ നോക്കുമ്പോൾ
അവയിൽ മുട്ടി തെറിക്കുന്ന
അലസനായ കാറ്റിനെ കാണുന്നു.
No comments:
Post a Comment