പെൻഷണർ

 പെൻഷണറുടെ ഒരു ദിവസം.

രാവിലെ നേരത്തെ 

എഴുന്നേറ്റെങ്കിലും 

പെൻഷണർ മുകളിലെ 

ഫാനിലേക്കും നോക്കി 

വെറുതേ കിടക്കുകയാണ്.

കൃത്യസമയങ്ങളിൽ ജോലിക്കും 

പഠനത്തിനും ഒക്കെയായി 

പോകാൻ വേണ്ടി തയ്യാറെടുക്കുന്ന 

മറ്റു തിരക്കുള്ളവർക്കിടയിലെ 

ഒരു തട്ടിത്തടച്ചൽ ഒഴിവാക്കാനായി 

ആണ് ആ വെറുതെ കിടക്കൽ.

പെൻഷൻ വാങ്ങാനും 

ഹോസ്പിറ്റലിൽ പോകാനും 

അമ്പലത്തിൽ പോകാനും 

പെൻഷൻകരുടെ 

സമ്മേളനത്തിൽ 

പോകാനും മാത്രമായി 

പെൻഷണർ വീടിന്നു പുറത്തേക്കു 

ഇറങ്ങി കാൽനടയായി പോകുന്നു.

 വർഷങ്ങൾ ആയി കൂടെ ജോലി 

ചെയ്തവവർ എല്ലാം 

അവർ ഒരിക്കലും പെൻഷൻ 

പറ്റാത്തവർ ആണെന്നമട്ടിൽ 

അയാളെ മറന്നു കഴിഞ്ഞു.

വർഷങ്ങൾ കഴിയുമ്പോൾ 

ഉള്ള നേരിയ പെൻഷൻ 

വർദ്ധന യുടെ വാർത്ത ഉണ്ടോഎന്നറിയാനായി 

അയാൾ ദിവസവും 

പത്രം അരിച്ചു പെറുക്കി 

വായിക്കുന്നു.

അല്ലെങ്കിലും പെൻഷൻകാരുടെ

നേതാവിന്റെ അനുസ്മരണ 

യോഗത്തിൽ പങ്കെടുക്കാൻ 

എങ്ങനെ ആണ് അയാൾക്ക്‌ 

ഓട്ടോറിക്ഷ വിളിച്ചു പോകുവാൻ 

തോന്നുക?

നടന്നു പോകുമ്പോൾ തീവണ്ടി 

തട്ടി മരിക്കണമെന്ന് അയാൾക്ക്‌ 

ഒരിക്കലും ആഗ്രഹം ഉണ്ടാകാൻ 

സാധ്യത ഇല്ല എന്നത് ശരിയാണെങ്കിലും.