ജയവും തോൽവിയും

 ജയവും തോൽവിയും.

കുറെ അസുഖങ്ങൾക്കിടക്കും 

വീട്ടിലെ പ്രശ്നങ്ങൾക്കിടക്കും 

പല അസൗകര്യങ്ങൾക്കിടക്കും 

എങ്ങനെയോ എല്ലാ പരീക്ഷയും 

എഴുതാൻ കഴിയാതിരുന്ന ഒരു 

കുട്ടി തോറ്റത്രെ..

എല്ലാ സൗകര്യങ്ങൾക്കിടയിൽ, 

ട്യൂഷൻ പഠിച്ചു കാറിൽ പോയി 

എല്ലാ പരീക്ഷകളും എഴുതിയ 

മറ്റൊരു കുട്ടി ജയിച്ചത്രേ..

റിസൾട്ട്‌ അറിഞ്ഞപ്പോൾ 

കരഞ്ഞ തോറ്റവനേ നോക്കി 

പരാജയം ചിരിച്ചു.

ചിരിച്ച ജയിച്ചവനെ നോക്കി 

ജയം കരഞ്ഞു.

പിന്നീട് അവർ വികാരങ്ങളുടെ 

ചിറകുകൾ പൊഴിച്ചു 

ജയവും തോൽവിയുമായി,

ജയിച്ചവനും തോറ്റവനും ആയി 

നോട്ടിസ് ബോർഡിലേക്ക് 

കയറി നിന്നു.