നിങ്ങൾ എന്ന കവിത

 നിങ്ങൾ എന്ന കവിത.

നിങ്ങളിൽ നിങ്ങൾ 

അറിയാത്ത ഒരു കവിത ഉണ്ട്.

ഇടക്ക് കണ്ണീരായും 

നെടുവീർപ്പായും ചിന്തയായും ശ്വാസമായും അത് 

അന്തരീക്ഷത്തിലേക്കു കലർന്നു 

പടരുന്നുണ്ട്.

നിങ്ങൾ വായിച്ച കവിതകൾക്കൊ 

നിങ്ങൾക്ക് മുകളിലെ ആകാശപ്പരപ്പിനോ 

നിങ്ങളുടെ കാലടിക്കരികിലെ 

പൂക്കൾക്കോ എന്തിന് നിങ്ങളുമായി 

വളരെ അടുത്തവർക്ക്‌ പോലും അതിനെ അറിയില്ല.

നിങ്ങളെ അറിയുന്നവരിൽ 

ദുർലഭം ചിലർ നിlങ്ങളിൽ നിന്ന് ചിലപ്പോൾ

ആ കവിത 

വായിക്കുന്നുണ്ട്.-  

അവരിൽ ചിലർ അത് എഴുതുന്നുമുണ്ട്.

ഒരിക്കലും വൃത്തരൂപത്തിൽ 

എഴുതാൻ കഴിയാത്ത കവിതകളുടെ 

ചവറ്റു കൂനകൾക്ക് മാറ്റു കൂട്ടി 

അവ അങ്ങിനെ എവിടെയോ ആയി 

ചത്ത് കിടക്കുന്നു.

നിങ്ങളുടെ തന്നെ കണ്ണീരിനെയും 

നെടുവേർപ്പിനെയും ചിന്തയെയും 

ശ്വാസത്തെയും പോലെ തന്നെ.....