മമ്മൂട്ടിയും ചൂലും
ബസ് സ്റ്റാൻഡ് പുലർച്ചെ
നാല് മണിക്ക് തന്നെ
മുനിസിപ്പാലിറ്റിക്കാരൻ
ചൂല് കൊണ്ട് തൂത്ത്
വൃത്തിയാക്കുന്നുണ്ട്.
നിങ്ങളുടെ ഇടയിലൂടെ
നിങ്ങൾ താഴെക്കിട്ട മണ്ണും
കുപ്പിയും കടലാസും എല്ലാം
അയാൾ അടിച്ചു ഒരുമിച്ചു
കൂട്ടി കൂപ്പയിലാക്കുന്നു.
നിങ്ങൾ മാത്രമല്ല അരികിലൂടെ
വളഞ്ഞു ചരിഞ്ഞു പാഞ്ഞു
പോകുന്ന ബസുകൾ പോലും
അയാളെ കാണുന്നില്ല.
ഇന്ന് രാവിലേ സിനിമാക്കാരൻ മമ്മൂട്ടി
അവിടേക്കു ഒരു മീറ്റിങ്ങിനു
വരുന്നുണ്ട്
അപ്പോൾ മമ്മൂട്ടിയെ കാണാൻ ജനം
സ്റ്റാൻഡിലും മുകളിലും ആയി
തടിച്ചു കൂടും .
ബസുകൾ ഓട്ടം നിറുത്തും
പിന്നീട് പുലർച്ചെ രാത്രിപോലുള്ള
മുനിസിപ്പാലിറ്റി ക്കാരൻ
മമ്മൂട്ടിയേയും നിങ്ങളുടെ
കാലുകൾക്ക് ഇടയിൽ നിന്നും
അടിച്ചുവാരി കൂപ്പയിലേക്ക് തള്ളും.
No comments:
Post a Comment