3 ബുദ്ധി ജീവികൾ

3  ബുദ്ധി ജീവികൾ

ഒന്നാമൻ

എന്ടെ മരണം പതിനേഴാം വയസ്സിലാണ്

ജീവിതവും മരണവും ഒന്ന് തന്നെ

രണ്ടാമൻ

എന്ടെ മരണവും  പതിനേഴാം വയസ്സിലാണ്

ജീവിത ദുഃഖം എന്നെ മരിപ്പിച്ചു

മൂന്നാമൻ

എന്ടെ മരണവും  പതിനേഴാം വയസ്സിലാണ്

ജീവിതം ബോറായപ്പോൾ ഞാൻ മരിച്ചു

മരണം ആവർത്തിക്കാത്ത  ബോറടിയായതിനാൽ

അത് ഞാൻ സഹിച്ചു

ഒന്നാമൻ

സത്യം അന്വേഷിച്ചു ഞാൻ ചിലരെ പ്രണയിച്ചു

രണ്ടാമൻ

സത്യം അന്വേഷിച്ചു ഞാൻ പ്രണയിച്ചില്ല

മൂന്നാമൻ

ഞാൻ ആരെയും പ്രണയിച്ചില്ല പക്ഷെ

പലരും  എന്നെ പ്രണയിച്ചു

ഒന്നാമൻ

ഞാൻ ഒരു ശാസ്ത്രജ്ഞൻ ആയി

രണ്ടാമൻ

ഞാനൊരു മത പ്രഭാഷകനും

മൂന്നാമൻ

ഞാൻ ഒരു രാഷ്ട്രീയക്കാരൻ ആയി

ഒന്നാമൻ

ഞാൻ ദൈവത്തിൽ വിശ്വസിക്കുന്നു

രണ്ടാമൻ

ഞാൻ മനുഷ്യനിൽ വിശ്വസിക്കുന്നു ...

മൂന്നാമൻ

ഞാൻ  പ്രകൃതിയിൽ അഥവാ

കൊലപാതകങ്ങളിൽ വിശ്വസിക്കുന്നു

(ഇവർ സാങ്കൽപ്പിക കഥാപാത്രങ്ങൾ

മാത്രം ആണെന്ന് കരുതുന്നവരും ഉണ്ട് )