അനക്കം

അനക്കം 

ചിലരു പറഞ്ഞാ  കടലിന്നും മേലെ 
ഒരാൾരൂപം മെല്ലെ നടന്നെന്ന് .......
ചിലരു പറഞ്ഞാ  കരിമ്പനക്കുമരികെ 
ഒരാൾരൂപം മെല്ലെ മറഞ്ഞെന്ന് ......
ചിലരു പറഞ്ഞാ  പാറക്കെട്ടിന്നരികെ 
ഒരാൾരൂപം മെല്ലെ ചുമച്ചെന്ന് .......
ചിലരു പറഞ്ഞാ  റയിലിന്നരികെ 
വണ്ടി പോയാൽ രാത്രിയിൽ 
ഒരു പെൺകുഞ്ഞിൻ ചുവത്ത 
കൈ ഉയരുന്നെന്ന് ......
ചിലരു പറഞ്ഞാ  പിഴച്ചവളെ 
ദഹിപ്പിക്കുന്നതിന്നരികിലായ് 
ഒരാൾരൂപം ഇരിന്നു കരഞ്ഞെന്ന് 
ചിലരു പറഞ്ഞാ മരിച്ച 
ഭിക്ഷക്കാരിതൻ പള്ളയിൽ 
ഒരാൾരൂപം ചവിട്ടി തുടിച്ചെന്ന്‌......... 

 ....... .......
ചിലരു പറഞ്ഞാൾരൂപം ഒഴിക്കാനായ് 
ആൾരൂപം നേർന്നപ്പോൾ 
എവിടെയോ ഒരാൾരൂപം കണ്ടെന്ന് ......