മരണവും ദൈവവും

മരണവും ദൈവവും

ജൈവ ഔഷധങ്ങളും
ജൈവ പച്ചക്കറികളും
ജൈവ വായുവും
ജൈവ ജലവുമായി
ജീവിച്ച ഒരു
ജൈവ മനുഷ്യൻ
അകാലത്തിൽ
മരിച്ചു

നാടൻ വാറ്റും
നാടൻ കഞ്ചാവും
നാടാകെ പെണ്ണും
സ്വല്പം മോഷണവും
ഒക്കെ ആയി നടന്ന
ഒരു വിപരീത മനുഷ്യൻ
പ്രായമായും
മരിച്ചുമില്ല ..

ദൈവത്തോട്
മരണത്തെ പറ്റി എന്ത്
ചോദിക്കാനാകും ?

ദൈവത്തോട്
അസുഖങ്ങളെ
പറ്റി എന്ത്
ചോദിക്കാനാകും ?

ജൈവ മനുഷ്യൻ
മരിച്ചത് ഈഗോ
അല്ലാത്ത ദൈവം
അറിഞ്ഞില്ല

വിപരീതം,
മരിക്കാഞ്ഞതും

ജനിക്കുമ്പോൾ ഏതോ
ഒരു റെയിൽവേ സ്റ്റേഷനിൽ
നിന്നും കയറിയ ദൈവം
മരിക്കുമ്പോൾ വരുന്ന
റെയിൽവേ സ്റ്റേഷനിൽ
ഇറങ്ങുന്നതിനിടക്ക്
കൂടെ കൂടുന്നു.?

മനസ്സെന്ന സ്വാതന്ത്ര്യത്തെ
കുറിച്ച് പറയുന്നു
അതിന് വേണ്ട
ചിട്ടയെ ക്കുറിച്ചു
പറയുന്നു ?

ഉണ്ടെങ്കിൽ ഉണ്ടെന്നും
ഇല്ലെങ്കിൽ ഇല്ലെന്നും
ഉള്ള ദൈവം ?,,

ചിരിക്കാൻ പഠിപ്പിക്കുന്ന ദൈവം?