ദ്രൗപദി

ദ്രൗപദി

ദ്രൗപദി കറുത്തിട്ടായിരുന്നു ..
ഉറക്കമില്ലാത്തവൾ ആയിരുന്നു
ഉറച്ച കണ്ണും മുലയും ആയിരുന്നു 
പുരുഷനെ ചുട്ടു തിന്നവൾ ആയിരുന്നു
വെറുതെ പൊട്ടിച്ചിരിക്കുന്നവൾ
ആയിരുന്നു

ഭഗവദ് സൗഹൃദത്തെ അറിയുന്നവൾ
ആയിരുന്നു

പരസ്യമാക്കിയ നഗ്നതയെ
ദൈവലയത്താൽ മറച്ചവൾ
ആയിരുന്നു

കുറച്ചന്നം കൊണ്ട് കുറെ പേരെ
തീറ്റിയ വിശുദ്ധയായിരുന്നു

വൈരാഗ്യം ആയിരുന്നു ,
വിഭ്രമം ആയിരുന്നു

സീതയെപ്പോലെ യുദ്ധം ഉണ്ടാക്കിയവൾ
ആയിരുന്നു

കുലം മുടിച്ചവൾ ആയിരുന്നു ,
മുടി അഴിച്ചു ഉലച്ചിട്ടവൾ ആയിരുന്നു

പ്രതികാരത്തിൻടെ മധുരം ആയിരുന്നു .