ഒഴിഞ്ഞ കുട്ട

ഒഴിഞ്ഞ കുട്ട

*******************

അനാവശ്യ സാധനങ്ങൾ

ഒഴിവാക്കി തുടങ്ങിയപ്പോളാണ്

പ്ലാസ്റ്റിക് ചെരുപ്പും

പ്ലാസ്റ്റിക് കുപ്പികളും

പ്ലാസ്റ്റിക് വാറുള്ള വാച്ചും

കണ്ണടയും ചവറ്റു -

കൊട്ടയിലേക്ക് എത്തിയത്.

തലയിലടിക്കാനുള്ള ഡൈയും

മുഖത്തിടും പൗഡറും

തേക്കുന്ന പേസ്റ്റും ബ്രഷും

കുറെ ഭക്ഷണ സാധനങ്ങളും

പുതു വസ്ത്രങ്ങളും

കുറെ വീട്ടു സാധനങ്ങളും

പിന്നീടായി കുട്ടയിലേക്കു -

പലപ്പോളായി തിന്നു കൊഴുത്ത

ശരീരത്തിൻടെ പല ഭാഗങ്ങളും

അനാവശ്യ ചിന്തകൾ  നിറഞ്ഞ

ഒരു മസ്തിഷ്കവും

ഒരു ‘ അഴകൊഴമ്പൻ’  മനസ്സും

പിന്നെ കുട്ടയിലേക്കു നീങ്ങി -

അങ്ങനെ ആ കുട്ടയിലേക്കു

ഒരു സ്ഥിര താമസക്കാരൻ

കൂടി ആയി !