റോസ് ഗാർഡൻ

റോസ് ഗാർഡൻ
======================

പനിനീർ പൂക്കൾ മാത്രം
നിറഞ്ഞു നിൽക്കുന്ന എൻടെ
പൂന്തോട്ടത്തിന്നു
പ്രണയപ്പൂന്തോപ്പ് എന്നു
ആരോ പേരിട്ടിരിക്കുന്നു
..
ഒരിക്കലും വാടാത്ത ,കൊഴിയാത്ത
പൂവുകൾ
കണ്ണിൽ എപ്പോഴും
കൗതുകത്തോടെ എന്നും
എന്നെ നോക്കി
അവ മന്ദഹസിച്ചു,
കാറ്റിനൊപ്പം
ചാഞ്ചാടുന്നു

പിന്നീടവ പതുക്കെ
മറ്റു തോപ്പുകളിലേക്കും
പടരുന്നു

ചില മുള്ളുകൾ എൻടെ
കയ്യിൽ കൊണ്ട് ചോര
പൊടിയുന്നുണ്ടെങ്കിലും
അതും ഒരു മധുര
നൊമ്പരം

പൂന്തോട്ടം കാണാൻ
ആളുകൾ
കൂട്ടം കൂട്ടമായി
എത്തുമ്പോൾ
അവർക്കിടയിൽ
ഒരു കാഴ്ചക്കാരൻ
ഞാൻ

ഭൂമിയിൽ സ്വന്തമായി
ഒന്നും അവകാശപ്പെടാനില്ലാത്ത
എനിക്ക് നിന്നെ പ്പോലെ
ആ പനിനീർപ്പൂക്കൾ തന്ന
സ്വാഭാവിക സൗരഭം
കുളിർമ്മ പ്രചോദനം
ഇവ മറ്റാരും അറിയാത്ത
ഒരു രഹസ്യമായ
ഓർമ്മ മാത്രം

ഓർമയുടെ മറ്റൊരു
വ്യാഖ്യാനം ആണല്ലോ
സ്വാർത്ഥത !