കബീറും മീരയും.
==============
കബീറും മീരയും
സഹപാഠികളാണ്.
കബീറും മീരയും
അയൽക്കാരുമാണ്.
കബീർ സുന്ദരനാണ്.
മീര സുന്ദരിയും.
കബീറും മീരയും
കണ്ടാൽ മിണ്ടാറില്ല.
കബീറും മീരയും
ഒരുമിച്ചു നടക്കാറില്ല.
കബീറും മീരയും
ഒരുമിച്ചിരിക്കാറില്ല
അവർ രണ്ട് ലിംഗക്കാർ ആണ്.
അവർ രണ്ട് മതക്കാർ ആണ്.
മീര അമ്പലത്തിൽ പോകുമ്പോൾ
കബീർ അഞ്ചു നേരം നിസ്കരിക്കുന്നു.
മീരയെ വിവാഹം ചെയ്തത്
ഒരു ബിസിനസ് കാരനാണ്.
കബീറിന്റെ ഭാര്യാ പിതാവ്
ഒരു സ്ഥിരം ഗൾഫ് കാരനും.
കബീറും മീരയും കാമുകീ
കാമുകന്മാർ ആണ്.
അതിർ വരമ്പുകൾ ഇല്ലാത്ത
ഉപാധി ഇല്ലാത്ത,
ശുദ്ധ പ്രണയവുമായി
അവർ എപ്പോളും
അകലങ്ങളിൽ
സന്തോഷത്തോടെ ജീവിക്കുന്നു.
അവരുടേതു ഒരു ഒളിച്ചു
വെച്ച പ്രണയം ആണ്.
No comments:
Post a Comment