മൂന്നാല് ലൈക്സും അഞ്ചാറു ആട്സും
കവി ഒന്നും
എഴുതി പോസ്റ്റ്‌ ചെയ്യാറില്ല.
ഒന്നും കിട്ടില്ലെന്നാണ്
കവി ചിന്ത.
അങ്ങനെ ഇരിക്കെ
ഒരിക്കൽ കവി
തന്റെ തന്നെ
ജീവിതത്തിലെ
പ്രണയത്തിൽ നിന്നും
ദുഃഖങ്ങളിൽ നിന്നും
ദുരിതങ്ങളിൽ നിന്നും
ഒരു കവിത ഉണ്ടാക്കി.
പോസ്റ്റ്‌ ചെയ്തു.
അതിനു മൂന്നോ നാലോ
ലൈക്കും അഞ്ചോ ആറോ
ആട്ടും കിട്ടി.
ഭൂഗോളം എന്ന അസ്ഥികൂടത്തിൽ
എവിടെയോ ഇപ്പോളും സ്പന്ദനങ്ങൾ
ഉണ്ട്.
കവി ചിന്തിച്ചു.
നാല് പെൺകുട്ടികൾ
നാല് പെൺകുട്ടികൾ
സ്കൂളിൽ നിന്ന് ഇറങ്ങി
റോഡിന്നരികിലൂടെ
വീടുകളിലേക്ക് പോകുന്നുണ്ട്.
നാലാളും ഇടക്കിടക്ക്
എന്തൊക്കെയോ അടക്കം
പറഞ്ഞു ചിരിക്കുന്നുണ്ട്.
കണ്ണുകൾ പ്രകാശിപ്പിക്കുന്നുണ്ട്
കഴുത്തുകൾ വെട്ടിക്കുന്നുണ്ട്.
പരസ്പരം കൈകൾ അമർത്തുന്നുണ്ട്
അവർക്കു ചുറ്റും
അവർ അറിയാതെ
വിശാലമായ ലോകം
തിരക്കിട്ടു
ദുഃഖവും വേദനയും
വഞ്ചനയും ക്രൂരതയും
അവർക്കായി
മെനയുന്നുമുണ്ട്.
ചോരക്കുളം
ചോരക്കുളം ഒരു
പച്ചവെള്ളക്കുളം ആണ്.
അപ്പുറത്തെ കുന്നിൽ
നിന്നും ഇപ്പുറത്തെ
വളപ്പിൽ നിന്നും
മഴവെള്ളതോടൊപ്പം
ഊർന്നു വീണ ഇലകൾ
പച്ച വെള്ളത്തെ കൂടുതൽ
പച്ചയാക്കി.
നാട്ടിലെ പെണ്ണുങ്ങൾ
എല്ലാം പെറ്റു കിടന്ന
പായകൾ ആദ്യമായി
കഴുകുന്നത് ഈ
പച്ചക്കുളത്തിൽ അത്രേ..
അങ്ങനെ ചോരക്കുളംഉണ്ടായി.
പെണ്ണുങ്ങൾ ഊറ്റിയചോരയാൽ
ഉണ്ടായ ചെക്കന്മാർ
കുളത്തിന്നരുകിലൂടെ
വഴി നടക്കും മുമ്പ്
തിരുമ്പുന്ന പെണ്ണിനോടായി
കൂക്കൂം.
കൂക്കും മുമ്പ് അവൻ
അവളെ ഒന്ന് എത്തി നോക്കും.
ഇതറിയാത്ത അവൾ
തോർത്തുകൊണ്ട് ബ്രെസിയർ
മറച്ചു സമ്മതം മൂളും.
ഉം.. ഇങ്ങള് പൊയ്ക്കോളീം.
കാലം പോകെ ചോരാക്കുളത്തിൽ
ആരും കുളിക്കാണ്ടായി.
കുളം ആർക്കും വേണ്ടാതായി.
എന്നാലും ചോരാക്കുളത്തിന് ചുറ്റും
നിറച്ചും ചോര നിറച്ച പലരും
ജീവിച്ചു വന്നു.
നായ
ഏതോ ഒരു ആരാധനാലയത്തിൽ നിന്നു ഓടിച്ചു വിട്ട ഒരു നായ നേരെ എത്തിയത്
ഒരമേച്വർ നാടകത്തിന്റെ സ്റ്റേജിലേക്ക് ആണ്.
ഒറിജിനാലിറ്റിക്കു കൂടുതൽ ശ്രമിക്കാതെ
നടന്മാർ നായെ കണ്ടതും സ്റ്റേജിൽ നിന്ന്
ഓടി മാറി
നാടകത്തിനു ഒരു വ്യത്യസ്ത അവസാനം
സൃഷ്ടിച്ചു.
മരണമടഞ്ഞ കവികളുമൊത്തു
ഒരു സായാഹ്നത്തിൽ.
--------------------------------------------------
മരണമടഞ്ഞ കവികളെ
അടക്കിയ ഒരു സിമിതേരിയിലെ
ചാരുബെഞ്ചിൽ ഇരുന്നു ഞാൻ
അകലേക്ക്‌ നോക്കി...
ആകാശം എന്തോ എഴുതുന്നു.
കാറ്റു എന്തോ പാടുന്നു.
മരങ്ങൾ എന്തോ കേൾക്കുന്നു.
മനുഷ്യന്റെ കരച്ചിലുകൾ...
പ്രകൃതിയുടെ താരാട്ട്....
ആരോ വിളിക്കുന്ന മുദ്രാവാക്യങ്ങൾ...
എത്ര ദിവസമാണ് ഊണും ഉറക്കവും
ഇല്ലാതെ ഞാൻ അവിടെ എവിടേക്കോ
നോക്കി വെറുതെ ഇരുന്നു പോയത്?.
പ്രകാശം വരുന്ന വഴികൾ
------------------------------------------
ഇരുട്ടിൽ ഒരിടത്തായി
ഇത്തിരി വെളിച്ചം.
പരന്നു നിറഞ്ഞ വെളിച്ചം
ചുരുങ്ങി ഇല്ലാതാവുന്നു.
ഇരുട്ടെന്ന സത്യം.
ആകലെയെവിടെ നിന്നോ
വീണ്ടും വെളിച്ചം.
വെളിച്ചത്തിലെ ജീവൻ
ഇരുട്ടത്തും തുടരുമ്പോൾ...
അറിയപ്പെടാത്ത ഇഞ്ചുമരണം.
അറിയിപ്പെടാത്ത
ഇഞ്ചു മരണങ്ങൾ
ഉണ്ട്.
കേട് വന്ന റോട്ടിലൂടെ
ഇങ്ങനെ യാത്ര പോകുമ്പോൾ
എല്ലുകൾ ഉലഞ്ഞു ഇളകി
കേടുവരുന്ന ഇഞ്ചു മരണം.
പുറത്തേ ശ്വാസം വലിക്കാൻ
ആകാതെ പുക പടലങ്ങൾ
വലിച്ചു കേറ്റുമ്പോൾ
ശ്വാസകോശം കേട് വരുന്ന
ഇഞ്ചു മരണം.
നല്ല ഭക്ഷണം കഴിക്കാൻ ആകാതെ
വിഷ ഭക്ഷണം കഴിച്ചു
വൃക്ക തകരുന്ന ഇഞ്ചു മരണം.
അടുത്തവർ കൃത്യമായി
ചതിക്കുമ്പോൾ
മനസ്സിൽ നിന്നും ഇറ്റ്
വീഴും ചോര ചോർന്ന
ഇഞ്ചുമരണം.
ഇഞ്ചു മരണങ്ങളിൽ
മരിച്ചു മരിച്ചു ചാകാൻ
മാത്രം ജീവൻ ഇല്ലാത്തതിനാൽ
അകേണം പല
ശ്വസിക്കുന്ന മൃത് ശരീങ്ങളും
ഇപ്പോളും സംസ്കരിക്കാൻ
ഉള്ള യോഗ്യതപോലും ഇല്ലാതെ
ഇങ്ങനെ ഇളിച്ചു കിടക്കുന്നത്!.
കുഞ്ഞുമ്മ
===========
ഒരു ചെക്കനും
ഒരു പെൺകുട്ടിയും
ഒരു കടൽതീരത്തോ
മുളം കാടിന്നരികിലോ
ആയി ഗാഡം
കെട്ടിപ്പിടിച്ചും ഉമ്മ
കൊടുത്തുമായി
മണിക്കൂറുകളോളം
നിൽക്കുന്നുണ്ട്.
അതിന്നു അപ്പുറവും
ഇപ്പുറവും ആയി
ഒരു പാട്
പിരാന്തന്മാർ
ഇങ്ങനെ ഓരോന്നാലോചിച്ചു
ആധിയാൽ എങ്ങോട്ടെന്നില്ലാതെ
മണ്ടിപ്പായുന്നുണ്ട്.
വിരുന്നുകാർ
മാത്രമുള്ള ഒരു നാട്.
================
മണ്ണിലേക്ക്
നിലാവിലേക്കു
ആകാശത്തൂന്നും
പറന്നു പറന്നു
ഒരു വിരുന്നുകാരൻ
എത്തുന്നുണ്ട്.
(നിന്നെ പ്പോലെ തന്നെ.)
ഭൂമിയിൽ ഒരിലയും
വിരിച്ചു ആവോളം
ആസ്വദിച്ചു
വിരുന്നുണ്ട്
അവൻ
എപ്പോളോ
മടങ്ങിപ്പോകുന്നുമുണ്ട്.
(നിന്നെപ്പോലെ തന്നെ.)
