റേഡിയോ
-----------------
ആദ്യം എന്നോ lഎlവിടെയോ വച്ചാണ് ആണ്
യേശുദാസ് ചന്ദ്രകളഭംചാർത്തി ഉറങ്ങും തീരം പാടിയത്.
പിന്നെ പ്രേം നസീർ ഒരു മണലോരത്തു
പുഴയിൽ വച്ചു
ഇന്ദ്ര ധനുസ്സിൻ തൂവൽ
കൊഴിയും തീരം എന്ന് പാടി.
ഇന്ന് ടെലിവിഷനിൽ ആയി
ഈ മനോഹര തീരത്തു തരുമോ
ഇനിയൊരു ജന്മം കൂടി കേൾക്കുന്നു.
നാളെ മൊബൈലിൽ കരോക്കെയിൽ
ഞാൻ ഈ നിത്യ ഹരിതയാം
ഭൂമിയിൽ അല്ലാതെ കാമുഹൃദയങ്ങൾ
ഉണ്ടോ? എന്ന് ചോദിക്കും .
എങ്കിലും എന്റെ വസുന്ധരേ..
റേഡിയോയിലൂടെ തന്നെ ഞാൻ
ഈ സന്ധ്യകളെയും ചന്ദ്രികയേയും
സ്വർണ്ണമരാളങ്ങളെയും
ഒക്കെ എന്നോ എത്രയോ തവണ
കൺകുളിർക്കേ കണ്ടു ,
ഗന്ധർവ്വൻ
ആയതാണല്ലോ?
എങ്ങനെ ആണ് അന്ന് എനിക്ക്
ഇവയെ എല്ലാം റേഡിയോയിലൂടെതന്നെ
കാണാൻ കഴിഞ്ഞത്?
No comments:
Post a Comment