പരന്ന ഇരുട്ട്
=============
ഒരു ചെക്കനും ഒരു പെണ്ണും
ഒളിച്ചും പാത്തും
ഒരു പൊന്തകാട്ടിലേക്കു
കയറുന്നുണ്ടതിന്നകം
പരന്നു ഇരുട്ട്.
ആ ഇരുട്ടിലും, സൂക്ഷിച്ചു
നോക്കിയാൽ കാണാം,
ചെക്കന്റെ കയ്യിൽ നിന്നും
ഒരിരുട്ടു പെണ്ണിന്റെ കണ്ണിലേക്കു
കയറി പടരുന്നു.
പിന്നീട് ആ
ഇരുട്ടങ്ങനെ പരന്നു നിറഞ്ഞ്
പ്രപഞ്ചത്തിലെ ഇരുട്ടിന്റെ
വിളക്കിന് തിരിയാകുന്നു.
ഇരുട്ടിന്റെ ആത്മാക്കൾ
പ്രേതം കണക്കെ ഓരിയിടുന്നു.
ഇരുട്ടുകൾ ഒരു മെഴുകുതിരിയുടെ
വെളിച്ചം കണക്കെ ചാഞ്ചാടുന്നു.
ഇരുട്ട് പുക എടുക്കുന്നു.
No comments:
Post a Comment