സ്വാതന്ത്ര്യം

===========================
സ്വാതന്ത്ര്യം എന്നെഴുതിയ
വെള്ള കടലാസ്സ് കാറ്റിൽ
എങ്ങോ പറന്നു പോയി ..

കടലാസ്സിന്നു മുകളിൽ
വച്ച പേന മഷി ഒഴിഞ്ഞു
മുന ഒടിഞ്ഞു താഴെ ....
.
ആ കടലാസ്സിപ്പോൾ
അവൻടെ പഴ്സിലെ
വെള്ളിക്കാശിനൊപ്പം
ചുരുണ്ടു മടങ്ങി
ഇരിക്കും.......

അവൻ അത് കൊണ്ട്
ഒരു കടലപ്പൊതി ഉണ്ടാക്കും

എന്നിട്ടു ഏറ്റവും
പ്രിയപ്പെട്ട അവളുമാർ
ആ കടലാസ്സ് പൊതി
കൈയിൽ വച്ച്
കടല കൊറിച്ചു
ഊതി പതുക്കെ
തിന്നും .....

ആ കടലാസിലെ
ഞാൻ നിങ്ങൾക്ക്
വേണ്ടി മാത്രം
എഴുതിവച്ച
സ്വാതന്ത്ര്യം എന്ന
വാക്ക്
വളഞ്ഞു വട്ടത്തിൽ
മടങ്ങി മങ്ങി
ഒരു തരി മണ്ണിലേക്കു
നീങ്ങും .....

പിന്നീടത് പുഴയിലേക്കും
കടലിലേക്കും തെന്നി
തിരിഞ്ഞു അലിഞ്ഞു
അലഞ്ഞെത്തും ......

ഇനി ഞാൻ .....?