ഒരു "ഫോട്ടോയുടെ " പിറന്നാൾ

ഒരു "ഫോട്ടോയുടെ " പിറന്നാൾ

" ഇന്ന്  എൻടെ പിറന്നാൾ "_

ചുമരിലെ മാല ചാർത്തിയ ഫോട്ടോ

കാഴ്ചക്കാരനോട് :-

വിളക്കില്ല ,

ഇലയിട്ട സദ്യയില്ല,

പുതു  വസ്ത്രമില്ല ,

ചന്ദന കുറിയില്ല .

ആരാധനാലയത്തിൽ പോയില്ല

പിന്നെ അച്ഛനും അമ്മയും ഇല്ല

“ഹാപ്പി ബർത്തു ഡേ” പാടാൻ

സുഹൃത്തുക്കൾ ഇല്ല

കേക്ക് മുറിക്കാൻ വെള്ളാരം -

.കണ്ണികൾ ഇല്ല

കത്തിച്ചു വച്ച മെഴുകുതിരികൾ

ഊതി ദുഃഖം പറയാൻ

ശ്വാസമില്ല

ഒരു വർഷം കൂടി കൊഴിയുന്ന

വേദനയറിയാൻ മനസ്സില്ല

പിറന്നാൾ ചുംബനങ്ങൾ ഏറ്റു

വാങ്ങാൻ കാമുകിമാരില്ല

(മുഖവുമില്ല )

ഇന്ന് മരിച്ചതിനു ശേഷമുള്ള

എൻടെ എത്രമത്തെയോ -

ഓർമയിൽ നിന്ന് മുഴുവനായി

അടർന്നു പോവാത്ത എത്രാമത്തെയോ

പിറന്നാൾ -

ചുമരിലെ മാല ചാർത്തിയ ഫോട്ടോ

കാഴ്ചക്കാരനോട് ......