ഒരു കുടുംബ കോടതിയിലെ കുട്ടി

ഒരു  കുടുംബ കോടതിയിലെ കുട്ടി

ഒരു  കുടുംബ കോടതിയിലെ കുട്ടി



കുടുംബ കോടതിയിലെ തിരക്ക്
പിടിച്ച  വരാന്തയിൽ ,
ചൂട് പിടിപ്പിക്കും പകലിൽ
"അമ്മേ   " എന്നുറക്കെ കരഞ്ഞു
ഒരു   കുട്ടി !

അടുത്തായി മുടി ചീകി
മുല്ലപ്പൂചൂടിയ  പുത്തനുടുപ്പിട്ട
കണ്ണിൽ നിറച്ചും തിളക്കം
മാത്രമായി മൂന്നാലു
മാലാഖ കുട്ടികൾ....
..
അകലെ  റോഡരുകിലായി
അന്യൻടെ ഭാര്യയെ ,
സ്വന്തം കാമുകിയെ പിക്ക്
ചെയ്യുവാനുള്ള മോട്ടോർ
സൈക്കിളുമായി ഒരാൾ ...

മരുമകൻടെ ചെകിട്ടിനു
ഒന്നു "പൂശാ"നുള്ള തക്കം
പാർത്തു ഒരമ്മ  ..
കാമ  വാദപ്രതിവാദങ്ങളിൽ
ചിലർ

പ്രതിക്ക് ഭ്രാന്താണെന്ന്
പറയുന്നവർ  

നഷ്ടപരിഹാര കണക്കു
ലാഭമെന്നു ചിലർ
.
പഴയ  ഭർത്താവിനെ
ചൊടിപ്പിക്കാൻ തക്കവിധം
അഴിഞ്ഞാടി ചില
 സുന്ദരിമാർ!

സുസ്മേര വദനങ്ങളിൽ
അകം കാട്ടാതെ ചിലർ 


അതിനിടക്ക്
അരികെ മണ്ണിൽ കിടക്കുന്ന
ആർക്കും വേണ്ടാത്ത
ഒരു പാവ !


അകലെ
ഓരത്തു തൊട്ടിലുകൾ ഇല്ലാത്ത
തെരുവുകൾ !