ജലം

ജലം

ജലം






















അടുത്ത വീട്ടിലെ കിണറ്റിൽ 
നിറച്ചും ജലം എന്നാൽ  ,
 ഞാനീ കുടിവെള്ള
കുടങ്ങളും താങ്ങി 
അകലേക്കകലേക്ക് ,,,,


നിൻടെ ജലം നീ നാളേക്കു ,
മറ്റന്നാളേക്കുമായി
കരുതി വെക്കുമ്പോൾ
 നിനക്കായി 
ഞാൻ ശവപെട്ടി 
തുറക്കുന്നു ,

നാളത്തെ യുദ്ധത്തെ 
നീ മറക്കുന്നു

ഒരിറ്റു കുടിവെള്ളം
 മാത്രം ഇല്ലാത്തോരീ 
ചുടു കാട്ടിൽ എന്തിനിത്ര 
കോൺക്രീറ്റു കോട്ടകൾ ,
ബ്യൂട്ടി പാർലർ ഹട്ടുകൾ ,
പൊടി നിറച്ചു 
വായു കൈപ്പിക്കും 
വാഹനങ്ങൾ ?

എന്തിനു ,എങ്ങിനെ 
ഇത്ര മധുര ഭാഷണങ്ങൾ ?

പഠിച്ച ഹൈഡ്രജൻ
 അധികം ഓക്സിജൻ
സമം ജലമെന്ന "വിശുദ്ധ "
വാക്യത്തിൽ 
ഒരു കുടം വെള്ളം പോലും
 നിനക്കുണ്ടാക്കുവാൻ
ആകാതെ പിന്നെന്തിനിത്രയും 
പാഠശാലകൾ നീ നടത്തുന്നു ?

ജലമെന്നമ്മ എന്നുണ്മ 
എങ്കിലും ഒരിക്കലും 
ഭ്രാന്തൻ ആകാതെ -
ഒരു രണ്ടിറ്റു നീര് പോലും
തൊണ്ടയിൽ നനക്കാനാകാതെ ,
ഇല്ലാതെ ,ഒതുങ്ങാതെ 
"കടൽ വെള്ളത്തിൽ നിന്നും
 കുടിവെള്ളമുണ്ടാക്കുന്ന
 സുവർണകാല സ്വപ്നവും കണ്ട്"
രണ്ടിറ്റു നീരിനായ്
 ഞാൻ ചാകാൻ ഒരുങ്ങുന്നു !