വെൻടിലേറ്റർ

 വെൻടിലേറ്റർ

                       ==============

അമ്മയ്ക്കും മരണത്തിന്നും

ഇടക്കായി വെൻടിലേറ്റർ

സ്വർഗ്ഗ നരകത്തിനിടക്കുള്ള

തല നാരിഴ നൂൽപ്പാലം പോലെ.

പണ്ട് ഞാൻ എന്ന കുഞ്ഞിനും

അമ്മയ്ക്കും ഇടക്കു

ഉണ്ടായിരുന്നോരാ പുക്കിൾ

ക്കൊടി ബന്ധം പോലെ .

കുറച്ചു കഴിഞ്ഞാൽ

ഞാനതു മുറിച്ചു മാറ്റും

വ്യർത്ഥവും അര്ഥമില്ലാത്തതും

ആയൊരാ ജീവിതത്തിലെ

ഒരു അലോസര നിമിഷത്തിൽ

അമ്മയെക്കൊന്ന ഒരു മകൻ കൂടി

ആരാച്ചാർ ഡോക്ടർ എൻടെ

സമ്മതം കാത്ത് ........

പുറമെ ആശുപത്രിക്കും

പുറമെ എൻടെ ജീവിതം

എന്നെ കൈകാട്ടി വിളിക്കുമ്പോൾ .

&&&&&&&&&&&&&&&&&&&&&&&&&&&&&&&&&&

അപ്പൂപ്പൻ താടി

 അപ്പൂപ്പൻ താടി

===================

ഇളം വെയിലും

ചാറ്റൽ മഴയും

ചെറു കുളിരും

നറു മഞ്ഞും കടന്നു

ഒരു അപ്പൂപ്പൻ താടി .

കാട്ടിലൂടെ

ശ്മശാനത്തിലൂടെ

ആശുപത്രികളിലൂടെ

റേഷൻ കടയിലൂടെ

പൂരപ്പറമ്പിലൂടെ

കടൽത്തീരത്തിലൂടെ

ഒരു അപ്പൂപ്പൻ താടി .

മോണ കാട്ടിച്ചിരിച്ചു

കൈകാലിട്ടടിടിച്ചു

കൈകൊട്ടിച്ചിരിച്ചു

ട്രൗസറിൽ മൂത്രം ഒഴിച്ചു

കരഞ്ഞു കളിച്ചു

കൊതിച്ചു കൊഴിച്ചു

ഒരു അപ്പൂപ്പൻ താടി .

വേദനപ്പരപ്പിലൂടെ

ചതിക്കുണ്ടിലൂടെ

പ്രാണൻ പിടച്ചു

ഒരു അപ്പൂപ്പൻ താടി .

മണ്ണ് തൊട്ടും

മാനം തൊട്ടും

ചാഞ്ഞും ചരിഞ്ഞും

എൻടെ പറമ്പിലും

നിന്ടെ പറമ്പിലും പറന്നു

ഒ രു അപ്പൂപ്പൻ താടി .

അപ്പൂപ്പനാകാൻ

ഇല്ലാത്ത ഒരപ്പൂപ്പൻ താടി !.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

ഏറ്

ഏറ്

**************************************

ഏറ് പിന്നിൽ നിന്നാണ്

ഏറ്റത്

പിന്തിരിഞ്ഞപ്പോള്

കണ്ണിൽ കവണയുമായി

ഒരു സുന്ദരി ആകാശം

നോക്കി നിൽക്കുന്നു

ആകെ ചായം പൂശി

മറ്റൊരു 'മോഡേൺ ഗേൾ '

കുറച്ചു പൂക്കളുമായി

അരികെ ഒരു പൂമരം

മൊബൈൽ റീചാർജ്

ചെയ്യുന്ന അന്യ സംസ്ഥാന

തൊഴിലാളികളുടെ

സ്ഥിരം സീൻ ..

ഓളമുണ്ടാക്കാൻ

മുദ്രാവാക്യം

വിളിക്കുന്ന

ഒരു ചെക്കൻ

അമ്മയെ തിരയുന്ന

ഒരു പെൺകുട്ടി

പിന്നെ ഒറിജിനാലിറ്റിക്കു

ഒന്ന് രണ്ടു പട്ടിക്കുട്ടികൾ

മൂന്നാലു കീറച്ചാക്കുകൾ

കുറച്ചു കൂമ്പാരം കല്ലുകൾ

പത്തിരുപതു

പെരുത്ത പ്രതിമകൾ

താഴെ മേമ്പൊടിക്ക് ഒരു

പട്ടിണിപ്പിച്ചക്കാരൻ

(ഏഴയ് തോഴൻ!)

ഇതിൽ ആരായിരിക്കും

പുറകില് നിന്ന്

കൃത്യമായി

തലയ്ക്കു 'ണിം ' ന്നു

എറിഞ്ഞത് ?

പാപം ചെയ്യുന്നവൻടെ

സ്ഥിരം പണി ചെയ്തത് !

അമ്പത് രൂപക്കു

അഞ്ചാറു മുല്ലപ്പൂ

വിൽക്കുന്ന സ്ത്രീ

അത് കണ്ടു കാണാൻ

വഴിയില്ല .

സ്നേഹമുള്ളവരെയാരെയും

തെരുവിൽ കാണാനുമില്ല .

പ്രശനം

അതിസൂക്ഷ്മമായും

ആത്യന്തികമായും

ഏറിൻടെയോ

അതോ തലയുടെയോ

അല്ല താനും .

മറി ച്ചു തല

എൻടെയാണ്

എന്നത് തന്നെആണ്.

---------------------------------

---------------------------------

നിങ്ങൾ എറിഞ്ഞിട്ടില്ല

എന്നല്ലേ ?

-----------------------------

ആ, ശരി ...

എന്നാൽ എനിക്ക്

കൊണ്ടിട്ടുമില്ല !

--------------------------------

പക്ഷേ ,ഏറ് ?

(എന്നാലും മൂല്യാധിഷ്ടിത

രാഷ്ട്രീയത്തിൽ നിന്നെന്തേ

യുവ തലമുറ

പാടേ വിട്ടു പോയി ?)

19

സ്വദേശിയും വിദേശിയും

സ്വദേശിയും വിദേശിയും 

സ്വദേശത്തെക്കുറിച്ചു രണ്ടു വാക്ക് 
[പ്രസംഗിക്കാനായാണ് അയാൾ 
എഴുന്നേറ്റത് ,

ഹലോ , ഗുഡ് മോർണിങ് ....
അയാൾ പറഞ്ഞു തുടങ്ങി .

അതുകേൾക്കാൻ ഒഴിഞ്ഞ 
കസേരകൾക്കൊപ്പം ഒന്ന് രണ്ടു 
വിദേശ ടൂറിസ്റ്റുകളും!

വാ വാട്ട് എ കൺട്രി !
അവർ പറഞ്ഞു കൊണ്ടിരുന്നു 

ഒരു വിദേശ നിർമ്മിത കണ്ണടയും 
ഫിറ്റു ചെയ്തു ഒരു വിദേശ 
നിർമ്മിത വാഹനത്തിലാണ് 
അയാൾ അവിടേക്കു എത്തിയത് 

കള്ളു ഷാപ്പിൽ നിന്നും 
ബാറിലേക്ക് -എന്നാണ് അയാളുടെ 
അടുത്ത പുസ്തകത്തിൻടെ 
പേര് !

വിദേശ നിർമ്മിത അടവുകളാണ് 
അയാളുടെ ഭാര്യയെ ഗർഭിണി ആക്കിയത് 

അപ്പോൾ അയാളിൽ  ഒരു സ്വദേശ 
നിർമ്മിത ഞരക്കം ഉണ്ടായിരുന്നു 

ഒന്നാം സ്ഥാനത്തിന് വേണ്ടിയുള്ള 
ഒരു മത്സാരാതിൽ ആയാളും 
ഒരു പങ്കാളി 

എപ്പോൾ ഒന്നാമനായി എത്തുമ്പോളും 
മുകളിലായി അടുത്ത ഒന്നാമൻ 

ചെരുപ്പ് നക്കുന്നതെല്ലാം 
അയാൾ അടുത്ത ക്ഷണം 
തന്നെ മറക്കുമായിരുന്നു 

അയാളുടെ വീട്ടിലും ഡോഗ് 
ഉണ്ടായിരുന്നു 


ഒരു വിദേശ നിർമ്മിത 
ശവപ്പെട്ടിക്കകത്തെ 
സ്വദേശ നിർമ്മിത ശവം 
അതയാളുടേതായിരുന്നു .


"ഞാൻ ഒരു തെറ്റ് മാത്രം" ..
രണ്ടു വാക്ക് പ്രസംഗിക്കാൻ 
എഴുന്നേറ്റയാൾ നാലു വക്കിൽ 
പ്രസംഗം അവസാനിപ്പിച്ചു 

രാജൻ മാഷ്

രാജൻ മാഷ്

കണക്കു മാഷ്
രാജൻ മാഷ്
ആയിരുന്നു ,

നാലിലാണ്
ഒരു കണക്കു
കൂട്ടിയപ്പോൾ
അറിയാതെ
തെറ്റിയതിന്
പിടലിക്ക്
രാജൻ മാഷ്
ആഞ്ഞടിച്ചത് .

കൂടെ കരയുന്ന
കുട്ടികളുടെ
കൂട്ടത്തിൽ
ഭയന്നു വിറച്ച
ഒരു കുട്ടിയായി
നിന്നുതുടങ്ങിയതും
അന്ന് മുതലാണ്

ഉച്ചക്ക്
ഒഴിവുസമയത്തു
കൂട്ടുകാരുമൊത്തു
റബ്ബർപന്തു
കളിക്കുമ്പോൾ
പന്ത് വാങ്ങി
ഹെഡ്മാസ്റ്ററുടെ
റൂമിൽ പൂട്ടി
വച്ചിരുന്നതും
രാജൻ മാഷ് തന്നെ .

രാജൻ മാഷ്
ഒരോർമ്മയാണ് .

രാജൻ മാഷ് മരിച്ച അന്ന്
മുണ്ടും മടക്കിക്കുത്തി
മാഷെ കാണാതെ
ഒരു സിനിമ കാണാൻ
പോയതും ഒരോർമ്മ !

കുട്ടികളെ ചിറകില്ലാതെ
പറക്കാൻ പ്രേരിപ്പിക്കാത്ത
മാഷുമ്മാരുടെ മുന്നിൽ
വെക്കാവുന്ന
പഴകിയ
ഒരു പ്രതിമപോലുള്ള
ഒരോർമ്മ .