.മൊഴി മുറ്റം

 1.മൊഴി മുറ്റം

====================================
പണ്ട് പണ്ട്
ഒരിക്കലൊരിടത്തായി
മൊഴിമുത്തിൻ ഒരു
മണി മുറ്റത്തായി
ചില മൊഴികൾ
മുറിഞ്ഞതിലെ അക്ഷരം
കൂട്ടി മുട്ടി .

മുട്ടിയപ്പോളൊരു ഒരു
സീൽക്കാരവും വെളിച്ചവുമെന്നു
ചിലർ .

ഒരു ധ്വനിയെന്നും പടപ്പുറപ്പാടെന്നും
കുളമ്പടിയെന്നും ചിലർ

ഒരർത്ഥനാദം എന്നും
അട്ടഹാസമെന്നും
കവിതപ്പാമ്പിൻ ഉറ
ഊരൽ എന്നും ചിലർ

നൃത്തച്ചു വടെന്നും
ഒരലയൊലി എന്നും
ഒരു മണിനാദം എന്നും ചിലർ

വേദനപ്പാടെന്നും പ്രവചനമെന്നും
പാട്ടെന്നും നിലാ പക്ഷിയെന്നും
കടലിരമ്പമെന്നും ഒരു ചെറു
മെഴുതിരിയെന്നും ചിലർ

പണ്ട് പണ്ട്
ഒരിക്കലൊരിടത്തായി
മൊഴിമുത്തിൻ ഒരു
മണി മുറ്റത്തായി
ചില മൊഴികൾ
മുറിഞ്ഞതിലെ അക്ഷരം
കൂട്ടി മുട്ടി .