നിഴലുകൾ
---------------
നിഴലു കൂടെ വരുന്നുണ്ട്.
കാട്ടിലൂടെയുംപാതയിലൂടെയും കാലടിയിലൂടെയും
ഒരു നിഴലായി -
ചിലപ്പോൾ അത് മുടി
അഴിച്ചാർത്തു തുള്ളി കരഞ്ഞു
ചീറുന്നു.
ചിലപ്പോൾ അത് നിലത്തു
കുത്തിയിരിക്കുന്നു.
ചിലപ്പോൾ അത് ഒറ്റക്കാലിൽ
നിൽക്കുന്നു.
ചിലപ്പോൾ അത് നൃത്തം
ചവിട്ടുന്നു.
കരയുമ്പോൾ എപ്പോളും
അത് കൂടെ കരയുന്നു.
നിഴലിനെ അറിയിക്കാതെ ഇരിക്കാൻ
ഇപ്പോൾ രാത്രി ആണ് യാത്ര.
എന്നാലും അവിടെയും ഇവിടെയും ഒക്കെ
ആയി തോന്നലിന്റെ ചില ആട്ടങ്ങൾ...
No comments:
Post a Comment