ആദ്യ പ്രണയം തന്നെയാണ്
അവസാനത്തെയും......
==================================================
ചിലർക്കെങ്കിലും
ആദ്യ പ്രണയം തന്നെയാണ്
അവസാനത്തെയും.
സൂര്യൻ ദിവസവും ഉദിച്ചു
ഉയരുന്നുണ്ടെങ്കിലും
കടലല എന്നും കലമ്പി
അലയുന്നുണ്ടെങ്കിലും
ആകാശപ്പരപ്പിൽ കിളികൾ
നിത്യവും പറന്നു പറന്നു
പോകുന്നെങ്കിലും
ചിലർക്കെങ്കിലും ആദ്യ പ്രണയം
തന്നെയാണ് അവസാനത്തെയും.
തലച്ചോറ് പോലെ
അമ്മയെപ്പോലെ ദൈവത്തെ പോലെ
ജീവൻ പോലെ ഭൂമി പോലെ
ഒറ്റ പ്രണയം.
ഒറ്റ പ്രണയം പൂത്തു മരം കരിഞ്ഞതും
ഒറ്റ പ്രണയം നിറഞ്ഞു മണ്ണ് ചുട്ടു
പഴുത്തതും അറിയാത്ത പ്രണയസ്വാർത്ഥർക്ക്,
നിഷ്കളങ്കർക്ക്
.......?
പ്രണയം നൽകും പല ചരക്കു
കടക്കാരോട് -ക്ഷമ.
No comments:
Post a Comment