നിഴൽ
======
നിഴൽ എപ്പോഴും കൂടെ ഉണ്ട്.
ഇടക്ക് നീണ്ടും ഇടക്ക്
നടു ഓടിഞ്ഞും
ഇടയ്ക്കു ഓളം വെട്ടിയും..
ഇടയ്ക്കു അവക്ക്
വെളിച്ചമില്ലാത്ത
രാത്രിയുടെ നിറമാണ്.
മറ്റു പലരോടും നിരന്തരം യുദ്ധം
ചെയ്യുന്നതിനാൽ ആകേണം
പലപ്പോളും എന്റെ നിഴലിനെ
ഞാൻ കാണാറില്ല..
ശരിക്കും എനിക്ക് നിഴൽ ഉണ്ടോ?
നിഴൽ പറയുന്നത്
ഞാനാണ് അത് എന്നാണ്.
ഞാനില്ലെങ്കിലും അതുണ്ടാകും
എന്നും.
എന്നാൽ മറ്റു പലരും
രഹസ്യമായി പറയുന്നത്
എന്റെ
നിഴൽ ഒരു
ശല്യക്കാരൻ
ആണ് എന്നാണ്..
No comments:
Post a Comment