പാതി രാത്രിക്ക് ഒരു തീവണ്ടി യാത്ര
===========================
തീവണ്ടി വൈകിയാണ്
ഓടുന്നത്.
രാത്രി ഓടിയാണ് കമ്പാർട്ട്മെന്റിലേക്ക്
കയറിയത്.
നൂറാള് കയറാനുണ്ടെങ്കിലും
ആയിരം ആള് കയറാൻ ഉണ്ടെങ്കിലും
തീവണ്ടി രണ്ടു മിനുട്ടെ സ്റ്റേഷനിൽ നിർത്തൂ.
തീവണ്ടി ഒരു യന്തമാണ്.
തീവണ്ടിയിലേക്ക് പാളത്തിലെ
മലമൂത്ര വിസർജങ്ങളുടെ
മണം ഇടയ്ക്കിടയ്ക്ക്
ജനലിലൂടെ തുളച്ചു കയറുന്നുണ്ട്.
അതിന്നും കൂടെ ചേർത്താണ്
ഞാൻ വലിയ വിലക്ക്
ടിക്കറ്റ് എടുത്തിട്ടുള്ളത്.
അരികെ മൂന്ന് ദരിദ്രരായ
ചെറുപ്പക്കാരും ഒരു പെണ്ണും
ഒന്നിച്ചിരുന്നു പാതി രാത്രിക്ക്
ഓരോന്ന് പറഞ്ഞു പൊട്ടിച്ചിരിക്കുന്നു.
ഒരു ചെറുപ്പക്കാരൻ മൊബൈലിൽ
എന്തോ കാണുന്നത് അവനെ കെട്ടിപ്പിടിച്ചിരുന്നു അവളും കാണുന്നു.
അവർ മലയാളി അല്ല എന്ന് ഉറപ്പ്.
അല്ലെങ്കിൽ അവനും അവളും
രണ്ടു മൊബൈൽ ഫോൺ ഉണ്ടായേനെ.
പണമല്ല പ്രശ്നം എന്ന് പറയാതെ
പറഞ്ഞു അവർ ഇടക്കിടക്ക്
പൊട്ടിച്ചിട്ടിക്കുന്നു.
അന്ന് രാത്രി അവരുടെ ചിരിയിൽ എനിക്ക്
ഉറങ്ങാൻ കഴിയില്ല എന്ന് തീർച്ച.
തീവണ്ടിയിൽ ആണെങ്കിൽ
ചിരിക്കരുത് എന്ന് എഴുതി വച്ചിട്ടുമില്ല.
ഒരു യുവതി ടി ടി യോട് നിനക്ക്
സ്ത്രീധനം കിട്ടിയവക ഒന്നുമല്ലല്ലോ
തീവണ്ടി എന്ന് കയർത്തു ചോദിക്കുന്നുണ്ട്.
അവൾ AC കേബിനിൽ കയറും മുമ്പേ
ട്രെയിൻ നീങ്ങിയതിനാൽ മാറിക്കയറി.
അവരുടെ കൈവശം ഉണ്ടായിരുന്ന ബാഗ്
അറിയാതെ ടി ടി യുടെ സീറ്റിൽ മുട്ടിയപ്പോൾ
ടി ടി ചൂടായത്രെ..
അവൾ ഒരു ലേഡി മമ്മൂട്ടി തന്നെ.
ടി ടി പകുതി ഉറക്കത്തിൽ ആണ്.
ഓരോ സ്ത്രീകളും പുതപ്പും
പുതച്ചു ഓരോ ഉറങ്ങുന്ന നീളൻ ചാക്ക്
കെട്ടുകൾ ആയി തീർന്നിരിക്കുന്നു.
ഓരോ സ്റ്റേഷനിലും ചിലർ വെള്ളവും
ഭക്ഷണവും വാങ്ങാനായി ഇറങ്ങി
തിരിച്ചു നീങ്ങുന്ന വണ്ടിയിലേക്ക്
ചാടിക്കയറി ജീവനുമായി
വെറുതെ ട്രെപ്പീസ്സ് കളിക്കുന്നുണ്ട്.
ട്രെയിനിലെ ടോയ്ലറ്റ് മറ്റൊരു
സർക്കസ് കൂടാരത്തെ തോന്നിപ്പിക്കുന്നു.
