മുക്കുവനെ സ്നേഹിച്ച ഭൂതം
======================
ഭൂതം കടൽ ക്കരയിൽ
ഉണ്ടാകില്ല, ഭൂതം കടൽ
കാണാൻ വരുന്നവരും
കടലിൽ കുളിക്കാൻ
വരുന്നവരും ആയവരെ
വെറുക്കുന്നു.
ഭൂതം കപ്പലിലും ബോട്ടിലും
എത്തില്ല, അതിനു ബോട്ടിന്റെ
കറ കറ ശബ്ദവും കപ്പലിന്റെ
കൊടിക്കൂറയും പറ്റില്ല.
ചെറുതോണിയിൽ ഒറ്റത്തോർത്തും
ചുറ്റി ഒരു തുഴയും വച്ചു ലോകം
കീഴടക്കുമ്പോൽ, നിലാവിലും
മഴയിലും വെയിലിലും കടലിൽ
നീങ്ങും മുക്കുവനെ മാത്രം
ഭൂതം സ്നേഹിക്കുന്നു.
ആഴക്കടലിൽ എത്തുമ്പോൾ ഭൂതം
മുക്കുവന്റെ തോണിയിൽ കയറുന്നു.
കടലിന്റെ മകന് ആവശ്യമുള്ള അത്രയും
കടൽ വാരിക്കൊടുത്തു ഭൂതം
അവന്റെ വീട്ടുകാരുടെ കണ്ണീർ ക്കടൽ
മായ്ക്കുന്നു.
ഭൂതം കടൽ ശബ്ദത്തിൽ
മുക്കുവനൊത്തു
പാട്ടുകൾ പാടുന്നു.
കടൽ താളത്തിൽ
അവനൊത്തു നൃത്തം
വക്കുന്നു.
ഭൂതം അവനൊത്തു കടൽക്കഞ്ഞി
പള്ള നിറച്ചും കടൽ മീനും കൂട്ടി
മോന്തുന്നു.
മടക്കത്തിൽ അവന്റെ കര ഉറപ്പാക്കി
കര കാണും മുമ്പേ കടലിന്റെ
ഇരുട്ടിലേക്കു പെട്ടെന്ന് ഇല്ലാണ്ടാവുന്നു.
കടലോരത്തെ കള്ള് ഷാപ്പിൽ വച്ചു
മുക്കുവൻ ഭൂതത്തെ ഓർത്തു
കോരിത്തരിപ്പിൽ, ആർത്തു ചിരിക്കുന്നുണ്ട്.
No comments:
Post a Comment