അനുഗ്രഹം
====================
അയാൾ തലയും
താഴ്ത്തി ഇരുപ്പാണ്.
പരാധീനതയും വിഷമവും
വിശപ്പും രോഗവും വേദനയും
അയാളോടൊപ്പം ഇരുപ്പുണ്ട്.
അയാൾക്ക്‌ വേണ്ടപ്പെട്ട
ഒരാളെ നാളെ തൂക്കിലേറ്റുന്നു.
മറ്റൊരു വേണ്ടപ്പെട്ട ആൾ
ഒരു രോഗശയ്യയിൽ മാറാ
രോഗവുമായി മരിക്കാറായി
കിടക്കുന്നു.
അയാളുടെ മക്കൾ ഭിക്ഷ
യാചിക്കുന്നവരാണ്.
അയാളുടെ ഭാര്യ ഒരു
വേശ്യ ആയിരിക്കുന്നു.
അയാൾ കിടക്കപ്പായയിൽ
തല താഴ്ത്തി ഇരുപ്പാണ്.
നാളെ രാവിലെ സൂര്യനോടൊപ്പം
ഉറക്കമുണർന്നു
തല പൊക്കാൻ അയാൾക്ക്‌
കഴിഞ്ഞേക്കില്ല..
എന്നാൽ അത്ഭുതം, അതാ അയാൾ
ആ പ്രഭാതത്തിലും തല ഉയർത്തി
ചുറ്റിലും നോക്കുന്നു.
എഴുന്നേറ്റ് ജോലിക്ക് പോകാൻ ആയി
തയ്യാറാകുന്നു.
അനവധി പ്രശ്നങ്ങൾകിടക്കും
അയാൾ ജീവിതത്തിൽ
അയാൾക്ക്‌ ലഭിച്ച
നിരവധി അനുഗ്രഹങ്ങളെ ക്കുറിച്ച് ചിന്തിച്ചിട്ടുണ്ടാവേണം.
അവ അയാളെ എന്നും എഴുന്നേൽപ്പിക്കുന്നുമുണ്ടാകേണം!.
No comments:
Post a Comment