നമ്മുടെ പ്രണയത്തിലെ
====================
സ്വകാര്യ നിമിഷങ്ങൾ
====================
നമ്മൾ ഇങ്ങനെ അപ്പുറമിപ്പുറം
ഇരുന്നു കൺകോർത്തൊരാ
നിമിഷങ്ങൾ.
അപ്പോൾ നിന്റെ മുടിയിതളുകൾ
ചുംബിച്ചു പാറി ഓടി
ഒളിച്ചോരാ കാറ്റ്‌.
നിന്റെ കണ്ണിൽ വിരിഞ്ഞോരാ
തുടിപ്പും ചുമപ്പും.
എന്റെയും നിന്റെയും ചുണ്ടുകൾ
എങ്ങനെ ഇത്ര നേരമടുത്തായി
അകന്നിരുന്നു?
നിന്റെ കവിളിലേ വിയർപ്പു പൂക്കളിൽ
ഓടി ഒളിച്ചോരാ എന്റെ താടി
രോമങ്ങൾ.
നിന്റെ കൈവിരലുകൾ കോർത്തു
അമർത്തി ചുംബിച്ചൊരാ എന്റെ
കൈകൾ.
നിന്റെ കാലിൽ കോർത്തൊരാ
എന്റെ കാൽ വിരലുകൾ.
ആൾപ്പാർപ്പില്ലാത്ത ലോകം.
മുകളിൽ ആകാശത്തിൽ പറക്കുന്ന
ഒരു പക്ഷി.
താഴെ കടലിൽ തുടിക്കുന്ന ഒരു ചെറുമീൻ.
നമുക്കിടയിലെ സന്തോഷം മാത്രം
നിറഞ്ഞ് വീർത്ത വായു.
സത്യത്തിൽ പ്രേമത്തൊട് ഏറ്റവും
അടുത്തു നിൽക്കുന്നത്
നിമിഷം എന്ന വാക്കും
അകന്നു നിൽക്കുന്നത് നിയമം
എന്ന വാക്കും തന്നെ അല്ലേ,
പ്രിയേ?
ഈ നിമിഷം നമ്മൾക്ക്
ഉറപ്പ് തരുന്നത് നമ്മെ ഇനി ആർക്കും
പിരിക്കാൻ ആകില്ല എന്ന് തന്നെ അല്ലേ?
നമ്മുടേത് നിയമങ്ങൾ ഇല്ലാത്ത
ഒരു രണ്ടാൾ സാമ്രാജ്യം.
***************************
പ്രിയേ, ഇനി എന്നേ നീ നിന്റെ
പ്രണയത്തിൽ നിന്ന്
വിടുവിച്ചേക്കുക!
No comments:
Post a Comment