നിഴൽ യുദ്ധം

നിഴൽ യുദ്ധം.

==================

അവളും അവനും

ശത്രുക്കൾ ആണ്.

അവൾ അവനെ 

വെറുത്തു.

അവൻ അവളെപ്പറ്റി

പരദൂഷണം പറഞ്ഞു.

അവൾ അവനെ കൊല്ലാൻ

ആളെ ഏർപ്പാടാക്കി.

അവൻ അവളെ വാഹനം

ഇടിച്ചു കൊന്ന് ഒന്നും

അറിയാതെ രക്ഷപ്പെടാനുള്ള

സമയവും സ്ഥലവും നോക്കി

തല പുകച്ചു.

അവൾ അവനെ നിയമക്കുടുക്കിൽ

ആക്കാൻ നോക്കി.

അയാൾ അവളുടെ കുടുബബന്ധങ്ങൾ

തകർക്കാൻ നോക്കി 

അവനെ കണ്ടാൽ അവളുടെ കണ്ണുകൾ

ചുകന്നു.

അവളെ കണ്ടാൽ അവന്റെ

മുഖം കറുത്തു.

 ഒരു നാൾ എങ്ങനെയോ

അവർ നിഴലുകൾ

ഇല്ലാത്തവരായി -

അതോടെ അവർ മിത്രങ്ങളായി!.

പിന്നീട് അവർ

എല്ലാ മിത്രങ്ങളേയും പോലെ

അന്യോന്യം അറിയാത്തവരും

ആയി.

അനവധി പ്രശ്നങ്ങൾകിടക്കും

അയാൾ ജീവിതത്തിൽ

അയാൾക്ക്‌ ലഭിച്ച

നിരവധി അനുഗ്രഹങ്ങളെ ക്കുറിച്ച് ചിന്തിച്ചിട്ടുണ്ടാവേണം.

അവ അയാളെ എന്നും എഴുന്നേൽപ്പിക്കുന്നുമുണ്ടാകേണം!.