പ്രതിമയും കാവൽക്കാരനും
===================--
പ്രതിമയുടെ മുഖം
ധീരമാണ്.
പടച്ചട്ട കറുത്തതും.
ചക്രവാളതിന്നും അകലേക്കാണ്
പ്രതിമയുടെ നോട്ടം.
പ്രതിമ കാണാൻ വരുന്നവർ
അവനൊത്തു സെൽഫി എടുക്കുന്നു.
അവനനുസരിച്ചു അവർ ക്യാമറ
ക്രമീകരിക്കുന്നു.
പ്രതിമക്ക് അകലെ ഉള്ള ഒരു കസേരയിൽ
ആണ് കാവൽക്കാരന്റെ ഇരുപ്പ്.
മുഖത്ത് ഒരു ക്ഷീണം.
കാവൽക്കാരന്റെ കാക്കി വസ്ത്രം
അയാളിൽ നിന്നും പുറത്തേക്കു
ഉന്തി നിൽക്കുന്നു.
പ്രതിമയും കസേരയും കാവൽക്കാരനും
ഒരു മുറി ഒരേ പോലെ പങ്കിടുന്നു.
പ്രതിമക്കു കാവൽക്കാരനോട് ഒന്നും
ചോദിക്കാൻ കഴിയില്ല.
കാവൽക്കാരനും പ്രതിമയോട് ഒന്നും
ചോദിക്കില്ല!
No comments:
Post a Comment