ആ സാമി
സാമി ധ്യാനത്തിലാണ്.
സ്വാമിയുടെ മുഖം
പ്രകാശഭരിതമാണ്,
സാമിയുടെ വാക്കുകൾ
പ്രത്യാശയുടെ
സൂര്യനെ പേറുന്നു.
സാമിയുടെ കണ്ണിൽ
കരുണ തിളങ്ങി
തുടിക്കുന്നു.
നാവുകൾ നന്മ തുളുമ്പും
വാക്കുകളെ വർഷിക്കുന്നു.
പല കാലഘട്ടങ്ങളിലൂടെ സാമി
പലതരം മാനസാന്തരങ്ങൾക്കും
വിധേയമായിട്ടുണ്ട്‌.
അത്തരത്തി ലുള്ള ഒരു മാറ്റം
ഈയിടെ സാമി അനുഭവിച്ചു.
നെറ്റുള്ള ഒരു മൊബൈൽ ഈയിടെ
സാമി വാങ്ങി.
സാമിയിൽ നിന്നും ആസാമി
ആയി എന്നാണ്
അതിനെക്കുറിച്ചു
സ്വയം നിരീക്ഷിച്ചപ്പോൾ സാമി
ചിന്തിച്ചെത്തിയത്!
No comments:
Post a Comment