മനം മാറ്റാൻ..

 മനം മാറ്റം

നാട്ടിൽ ഒരു എഴുത്തുകാരി

ഉണ്ടായിരുന്നു.

രണ്ടു പ്രമുഖ മതങ്ങളും.

ഒരു മതം മറ്റേ മതവുമായി

ഉണ്ടായിരുന്ന

സൗഹൃദം കുറഞ്ഞു വരുന്ന ഒരു

കാലത്ത്,

ഒരു മതത്തിലുള്ളവർ മറ്റേ

മതത്തിലുള്ളവരെ ഒളിഞ്ഞിരുന്നു

കൊല്ലാൻ തുടങ്ങിയ ഒരു നേരത്ത്

ഒരു മതം മറ്റേ മതത്തെ പേടിച്ചിരുന്ന

ഒരു കാലത്ത് ഒരു മതം മറ്റേ മതത്തെ

വിഴുങ്ങാൻ തുടങ്ങിയ ഒരു കാലത്ത്

ഒരു മതത്തിലുള്ളവർ മറ്റേ മതത്തിലുള്ളവർക്ക് സ്ഥലം വിൽക്കാൻ

പോലും തയ്യാറാകാത്ത ഒരു കാലത്ത്

ഒരു മതത്തിലുള്ളവർ ഉണ്ടാക്കിയ

ഭക്ഷണം മറ്റേ മതക്കാർ ഭക്ഷിക്കാത്ത ഒരു കാലത്ത്

എഴുത്തു കാരി ഒരു ചായ ഉണ്ടാക്കുന്ന

പോലെയോ ഒരു ചെടി നനക്കുന്ന പോലെയോ ഒരു നഖം വെട്ടും പോലെയോ

ഒരു കുഞ്ഞിനെ പാടി ഉറക്കും പോലെയോ

ഒരു കാക്ക കരയും പോലെ ഒക്കെ ലളിതമായി തന്റെ മതത്തിൽ

നിന്നും മറ്റേ മതത്തിലേക്കു മാറി ...

അത് ഒരു പക്ഷേ രണ്ടു

മതവും ഒന്നാണ് എന്ന് പറയത്തക്ക മട്ടിൽ എഴുതിയ

ഒരു കഥയോ കവിതയോ ആയി

അവർക്കു അനുഭവപ്പെട്ടിട്ടുണ്ടായിരുന്നിരിക്കാം.